မက်ဒရစ်ဒါဘီဆိုတာက မက်ဒရစ်မြို့ခံ လာလီဂါထိပ်သီးနှစ်သင်း ထိပ်တိုက်တွေ့တဲ့ပွဲ ဖြစ်တာကြောင့် ကမ္ဘာ့ဘောလုံးပရိသတ်ကို ရင်ခုန်စိတ်လှုပ်ရှားစေတဲ့ပွဲ ဖြစ်ပါတယ်။ နှစ်သင်းစလုံးရဲ့ ပရိသတ်တွေကလည်း မြို့ခံပြိုင်ဘက်အသင်းနဲ့ အားပြိုင်ရမယ့်ပွဲကိုလည်း ရာသီတိုင်းမှာ မျှော်လင့်တကြီး ရှိတတ်ပါတယ်။ လာလီဂါပြိုင်ဘက်အသင်းတွေဖြစ်တာကြောင့် တစ်ရာသီမှာ အနည်းဆုံးတော့ မက်ဒရစ်ဒါဘီပွဲစဉ်(၂)ပွဲကို ရင်ခုန်ခွင့်ရကြပါတယ်။ တချို့ရာသီတွေမှာတော့ ချန်ပီယံလိဂ်နဲ့ စပိန်ဘုရင့်ဖလားမှာပါ ဆုံတွေ့ရရင် မက်ဒရစ်ဒါဘီပွဲတွေကို တစ်ဝကြီး ကြည့်ရှုခံစားရပါတယ်။ ဒီရာသီကလည်း အဲဒီလို ရာသီတစ်ခု ဖြစ်နေပါတယ်။