ရော်ဂျာဖက်ဒါရာ၊ ရာဖေးလ်နဒါးလ်နဲ့ နိုဗက်ဂျိုကိုဗစ်ဆိုတဲ့ နာမည်တွေက အားကစားနဲ့ ရင်းနှီးကျွမ်းဝင်တဲ့ သူတိုင်း ကြားဖူး၊ သိဖူးနေတဲ့ နာမည်တွေဖြစ်ပါတယ်။ ဒီကစားသမား (၃) ဦးထဲမှာ ရော်ဂျာဖက်ဒါရာက တင်းနစ်လောကကနေ အနားယူသွားပြီ ဖြစ်ပေမယ့် နဒါးလ်နဲ့ ဂျိုကိုဗစ်တို့ကတော့ အခုအချိန်အထိ ဂရင်းစလင်းအောင်မြင်မှုတွေအတွက် ခရီးဆက်နေကြပါသေးတယ်။ သူတို့ (၃) ဦး အပြိုင်ကြဲခဲ့ကြတဲ့ ကာလတွေကို တင်းနစ်လောကရဲ့ ရွှေရောင်သကကြရာဇ်များလို့လည်း အားလုံးက တင်စားခေါ်ဝေါ်ကြပါတယ်။ တင်းနစ်လောကရဲ့ ရွှေရောင်နှစ်များလို့ ဘာကြောင့် တင်စားရသလဲဆိုရင် တင်စားဖို့အတွက် လုံလောက်တဲ့အကြောင်းအရင်းတွေ ရှိနေတာကြောင့်လို့ပဲ ပြောရမှာဖြစ်ပါတယ်။