ဒီရာသီမှာ ဒိုင်လူကြီးတွေကို ပြင်းပြင်းထန် ထန်စောဒကတက်လို့ နည်းပြတွေ အဝါကတ်ပြသခံရတာ(၆၁)ကြိမ်အထိရှိနေပါတယ်။ မန်ယူအသင်း နည်းပြ တန်ဟက်ဂ်၊ မန်စီးတီးနည်းပြ ဂွါဒီယိုလာနဲ့ ချယ်လ်ဆီးနည်းပြ ပိုချက်တီနိုက အဝါကတ် (၃)ကြိမ်စီပြသခံထားရပြီး အာတီတာက (၂)ကြိမ် ပြသခံထားရပါတယ်။ ဂွါဒီယိုလာက "ဒိုင်တွေကို စောဒကတက်ရင် အရေးယူခံရမယ်၊ အဲဒီသတ်မှတ်ချက်ကို ကျွန်တော် သဘောတူပါတယ်။ စည်းမျဉ်းတွေကို လိုက်နာရမယ်မဟုတ်လား။ ကျွန်တော်က အဝါကတ်သုံးကြိမ်ပြခံရလို့ ပွဲပယ်ခံရတယ်။ တကယ်ဆိုရင် ကျွန်တော်က လူဆိုးကြီးမဟုတ်ပါဘူး။ ကျွန်တော့်အသင်းအတွက် ကျွန်တော် ကာကွယ်ရပါမယ်။ စိတ်ခံစားချက်ဆိုတာ လွယ်လွယ်ကူကူ အဖွင့်အပိတ်လုပ်လို့မရပါဘူး။ အဲဒီအရာမရှိပဲနဲ့ ပွဲတစ်ပွဲကို တာဝန်ယူလို့မရဘူး။ ကိုယ်ကအပြစ်လုပ်ရင် အရေးယူခံရမယ်ဆိုတာ ဖြစ်သင့်ပါတယ်။ အမှားတွေဟာဘဝရဲ့ အစိတ်အပိုင်းမဟုတ်လား" ဆိုပြီး ပြောဖူးတယ်။