ပရီးမီးယားလိဂ်တိုက်ပွဲမှာပါဝင်နေတဲ့ အာဆင်နယ်အသင်းနဲ့ လီဗာပူးလ်အသင်းတိုု့က ဒီတစ်ပတ်ပွဲစဉ်တွေမှာ နိုင်ပွဲပျောက်ဆုံးခဲ့ပြီးတဲ့နောက် မန်ချက်စတာစီးတီးအသင်းက အမှတ်ပေးဇယားထိပ်ဆုံးကို ပြန်လည်တက်ရောက်လာနိုင်ခဲ့တယ်။ အာဆင်နယ်အသင်းရဲ့ ရှုံးပွဲမှာ အငြင်းပွားစရာဖြစ်ရပ်တွေက အများကြီးဖြစ်ပေါ်ခဲ့တယ်။ တစ်ကမ္ဘာလုံးက ပရိသတ်တွေကလည်း ဒီပွဲမှာဖြစ်ခဲ့တဲ့ အခြေအနေတွေနဲ့ပတ်သက်ပြီး ဒိုင်တွေနဲ့ VAR အပေါ် ပြစ်တင်ဝေဖန်ခဲ့ကြတယ်။ အာဆင်နယ်အသင်းနည်းပြ မီခေးလ်အာတီတာရဲ့ ဒိုင်တွေအပေါ် ဝေဖန်မှုတွေက လူပြောများတဲ့ အကြောင်းအရာတွေဖြစ်ခဲ့ပြီး ရှက်စရာကောင်းလွန်းတယ်လို့ သုံးသပ်ခဲ့ခြင်းကလည်း ပွဲဆူနေတာကို တွေ့ရတယ်။