ချာလီဟီဒို မဂ္ဂဇင်း တိုက်ခိုက်ခံရပြီး ကတည်းက ပြင်သစ်နိုင်ငံတွင် အကြမ်းဖက်သမားတို့၏ အန္တရာယ်ကို သတိပြုရန် တပ်လှန့်ထားခဲ့သည်။ ၂၀၁၅ ခုနှစ်သည် ပြင်သစ်နိုင်ငံ အကြမ်းဖက်သမားတို့က ပစ်မှတ်အဖြစ် သတ်မှတ်ထားခဲ့သည်။ ဖေဖော်ဝါရီလက နိုက်စ်မြို့ရှိ ဂျူးစင်တာရှိ အစောင့်သုံးဦး ဓားဖြင့်ထိုးခံခဲ့ရသည်။ ဇွန်လတွင် စိန်ကျင်တင်ဖာလာမီလေးရှိ စက်ရုံတစ်ရုံကို ဖောက်ခွဲဖို့ ကြိုးပမ်းခဲ့သည်။ သြဂုတ်လတွင် ရထားတစ်စင်းပေါ်မှာ လိုက်ပါသူကို ဓားဖြင့်ထိုး၊ သေနတ်ဖြင့် ပစ်ခံခဲ့ရသည်။ ဘာကလန်မြကတ်ကိုဆိုလျှင် အကြမ်းဖက် တိုက်ခိုက်ခြင်း ခံရမည်ဟူသော ခြိမ်းခြောက်မှုတွေ မကြာခဏ ခံခဲ့ရဖူးသည်။ အကြောင်းကတော့ ပြည်သူအများစုက အစ္စရေးကို ထောက်ခံနေခြင်းနှင့် ပတ်သတ်လို့ စက်တင်ဘာ ၁၅ ရက်ထိ ဂျူးညီနောင် ပါစကယ်နှင့် ဂျိုဝဲလ်လာလုဇ် ညီနောင်က ပိုင်ဆိုင်ထားခြင်းကြောင့် ဖြစ်သည်။ ဂျူးညီနောင်သည် ပြဇာတ်ရုံကို နှစ်ပေါင်း ၄၀ ခန့် ပိုင်ဆိုင်ထားပြီး စက်တင်ဘာ ၂၀၁၅ နှစ်မှ အခြားသူတစ်ဦးကို ရောင်းချခဲ့ခြင်း ဖြစ်၏။ ၂၀၁၁ တွင် အစ္စလမ္မစ်တပ်အဖွဲ့က ပြင်သစ် လုံခြုံရေး တပ်ဖွ့ဲများအား ဂျူးပိုင်သည့် ပြဇာတ်ရုံကို တိုက်ခိုက်ဖို့ စီစဉ်ထားကြောင့် ခြိမ်းခြောက်ခဲ့ဖူးသည်။ပါရီ တိုက်ခိုက်ခြင်း မခံရမီ နှစ်ရက်ခန့်က ဘေရွတ်မြို့တွင် အသေခံ ဗုံးဖောက်ခွဲမှု ပြုခဲ့။ ဤတိုက်ခိုက်မှုများ ပြုလုပ်သည့် အဖွဲ့က IS နှင့် ဆက်စပ် ပတ်သက်နေသည်။ တူရကီ၊ အီရတ်နှင့် အခွင့်အရေး ထောက်လှန်းရေး အဖွဲ့များက ပြင်သစ်နိုင်ငံကို IS တွေကတိုက်ခိုက်နိုင်ကြောင်း တစ်လကြိုတင်၍ အသိပေးထားခဲ့သော် ပြင်သစ်အာဏာပိုင်များက  ၃ လ ကြာ ပြုထားခဲ့သည်။ ဤအကျိုးဆက်ကြောင့် နိုဝင်ဘာ ၁၃ ရက် ည ၉ နာရီ ၂၅  မိနစ်တွင် Stade de france အားကစားကွင်း အနီးတွင် ဒုတိယအကြိမ် အသေခံ ဗုံးဖောက်ခွဲခံရခြင်း၊ ၉ နာရီ ၃၂ မိနစ်တွင် လာဖောင်တိန်အော်ရှိုင်းလမ်း အနီးတွင် သေနတ်ဖြင့် ပစ်ခံရခြင်း၊ ၉ နာရီခွဲတွင်  ခနာရွန်နီလမ်းတွင် သေနတ်ဖြင့် အပစ်ခံရခြင်း၊ ၉ နာရီ မိနစ် ၄၀ တွင် ဗော်လ်တဲယား လမ်းမကြီးတွင် အသေခံ ဗုံးဖောက်ခွဲခံရခြင်း၊ ၉ နာရီ ၄ မိနစ်တွင် ဘာလကန် ပြဇာတ်ရုံတွင်းသို့ သေနတ်သမားသုံးဦး ဝင်ရောက်ပြီး ပစ်ခတ်ခြင်း ၉ နာရီ ၅၃  မိနစ်တွင် Stade de france အားကစားကွင်းတွင် တတိယအကြိမ် အသေခံ ဗုံးဖောက်ခွဲခြင်း၊ ည ၁၂  နာရီတွင် ဘာလကန် ပြဇာတ်ရုံတွင် ဓားစာခံများ ဖမ်းဆီခံရခြင်းတို့နှင့် ကြုံတွေ့ခဲ့ရသည်။ ပါရီတိုက်ခိုက်ခံရမှု ဖြစ်စဉ်ကြောင့် လူ ၁၃၀ သေဆုံးခံရပြီး ဒဏ်ရာရသူ ၃၅၂ ဦးမှ ၃၆၀ ထိရှိသည်။ နိုင်ငံတကာမှ ခေါင်းဆောင်များနှင့် ပြည်သူများက အကြမ်းဖက်လုပ်ရပ်ကို ဆန့်ကျင် ကန့်ကွက်ကြသည်။ IS အကြမ်းဖက်သမားတို့၏ ရက်စက်စွာ လုပ်ဆောင်မှုသည် ပြင်သစ်နိုင်ငံသူ နိုင်ငံသားများအတွက် ထိတ်လန့်မှုများ ဖြစ်ရသလို  ပြင်သစ်နိုင်ငံတွင်းမှာ ရှိနေသည့် နိုင်ငံခြားသားများ အထူးသဖြင့် အစ္စလာမ်များ အပေါ်တွင် မယုံကြည် မသင်္ကာမှုများ ဖြစ်ပေါ်လာကြသည်။အကြမ်းဖက်သမားများ Stade de france အားကစားကွင်းတွင် တိုက်ခိုက်မှု ပြုလုပ်ခဲ့စဉ်က ပွဲကြည့်ပရိသတ်များကို ဘေးကင်း လုံခြုံရာ အရပ်သို့ ပို့ဆောင်ပေးသူ အယ်ဂျီးရီးယားနွယ်ဖွား မီးသတ်သမား ဖိုင်ဆယ်လည်း ပါဝင်ခဲ့သည်။ ယခု အချိန်မှာတော့ ဖိုင်ဆယ် တစ်ယောက်သည် ပြင်သစ်နိုင်ငံရှိနေသော မွတ်စလင်ငါးသန်းခန့်အား အန္တရာယ် တစ်စုံတစ်ရာ ပေးနိုင်မည့် သူတွေဟု ပြင်သစ်လူမျိုးများက မယုံကြည်သော မျက်လုံးများနှင့် အကြည့်ခံနေရသည်။ ပါရီတိုက်ခိုက်မှုတွင် ပါဝင်သော ဂျီဟတ်များကို နောက်ကွယ်မှနေ၍ စီစဉ်နေသူများမှာ ဥရောပတိုက် ရောက်နေသော အာရပ်နွယ်ဖွားတွေ ဖြစ်နေကြသည်။ပြင်သစ်နိုင်ငံရှိနေသော မွတ်စလင် များစွာမှာလည်း ငါးသန်းခန့်နေသည်။ ယခုအချိန်တွင် မွတ်စလင်အမည် မှည့်ထားသူ တစ်ဦးတစ်ယောက်ကို တွေ့သည်နှင့် အာရပ်နွယ်ဖွားဟု လည်းကောင်း အကြမ်းဖက်သမား ဖြစ်နိုင်ခြေ ရှိသည်ဟု လည်းကောင်း သတ်မှတ်ထားကြသည်။ပါရီတွင် ပြင်ပမှ လာရောက် အခြေချနေသော လူမျိုးစုများမှာ တတိယမြောက် မျိုး ဆက်တွေ ဖြစ်ကြသည်။ သူတို့၏ မိဘ၊ ဘိုးဘွားတွေသည် နေရပ်ကို စွန့်ခွာပြီး ပြင်သစ်တွင် လာရောက် နေထိုင်ကြရာမှ သူတို့ကို မွေးဖွားခဲ့ခြင်းဖြစ်သည်။ ပြင်သစ်နိုင်ငံတွင် ရှိနေသော မွတ်စလင် လူ့အဖွဲ့အစည်းမှာ ဥရောပတိုက်တွင် အကြီးမားဆုံး ဖြစ်သည်။ဂျီဟတ် အကြမ်းဖက် သမားများ၏ တိုက်ခိုက်မှုကြောင့် ပါရီရှိ မွတ်စလင်တွေ၏ အခြေအနေမှာ ကျပ်တည်းစ ပြုလာသည်။ ပြင်သစ်မြေတွင် မွေးဖွားကြီးပြင်းခဲ့သူ အသက် ၃၀ အရွယ်ရှိ မိုဟာမက်က လွန်ခဲ့သော နှစ်ပေါင်း ၄၀-၅၀ ခန့်က ပြင်သစ်မြေထဲ လာရောက်တဲ့ ဒုက္ခသည်တွေကို ဆက်ဆံတာမျိုး ယခုအချိန်မှာ ပြုလုပ်နေကြောင်း ပြောသည်။ အာရပ်တွေကို မြို့ပြင် အစွန်အဖျားတွင်သာ နေထိုင်ခွင့် ပြုခဲ့သည်။ဒုက္ခသည်များ အလုံးအရင်းနှင့် ဝင်ရောက်သည့် လှိုင်းလုံးမှာ ၁၉၆၀ ပြည့်နှစ်တွင် စတင်ခဲ့သည်။ လွန်ခဲ့သော နှစ်ပေါင်း ၄၀-၅၀ ခန့်က ပြင်သစ်မြေကို ခြေချခဲ့သော ပြည်ပနိုင်ငံမှ ဒုက္ခသည်များအနက် အချို့ဆိုလျှင် ယနေ့ထက်တိုင် ပါရီမြို့စွန်မြို့များရှိ တန်ဖိုးနည်း အိမ်ရာများတွင် နေနေကြရဆဲ ဖြစ်သည်။ သူတို့တစ်တွေနေသော အရပ်သည် လုံခြုံမှုမကောင်း။ ခိုးဝှက်လုယက်မှုတွေ ပေါများသည်။ ပါရီမြို့တော်ရှိ အခြားသော အရပ်ဒေသများနှင့် များစွာကွာခြားသည်။ ပြည်ပမှ လာရောက်နေကြ သူတွေအတွက် အလုပ်အကိုင် အခွင့်လမ်းက ရှားသည်။  ၂၀၁၃ တွင် အလုပ်လက်မဲ့နှုန်းက ၂၃ ရာခိုင်နှုန်းထိ မြင့်တက်သွားသည်။ ကျန်အရပ်ဒေသတွင် နေထိုင်သူများ အနေဖြင့် အလုပ်အကိုင် ရဖို့လွယ်ကူသည်။ အလုပ်လက်မဲ့နှုန်းက ကိုးရာခိုင်နှုန်းသာ ရှိသည်။ သူတို့နေရာ အရပ်ကို ၁၈ ရပ်ကွက်ဟုခေါ်ပြီး ၂၀၀၅ ခုနှစ်က ပြင်သစ်နိုင်ငံတွင် ဖြစ်ပေါ်ခဲ့သော ဆူပူမှု အဓိကရုဏ်းမှာ ဤအရပ်ဒေသတွင် ဖြစ်ပေါ်ခဲ့ခြင်း ဖြစ်သည်။အကြမ်းဖက်သမား IS ကို ခြေရာခံ ထောက်လှမ်းသူများက ဤဒေသတွင် နေထိုင်သော အလုပ်လက်မဲ့ လူငယ်များမှာ IS တို့၏ ဖြားယောင်းမှုကို ခံနေကြရသည်ဟု သုံးသပ်ထားသည်။ ဤအရပ်တွင် နေသူများ ပြင်သစ် လူ့အဖွဲ့အစည်းနှင့် ဆက်စပ်ပတ်သက်မှု မရှိကြပေမယ့် ခွဲခြားဆက်ဆံခံနေရမှုကြောင့် လည်းကောင်း ပြင်သစ် လူ့အဖွဲ့အစည်းနှင့် ယဉ်ကျေးမှုကို ဆန့်ကျင်သည့် လူငယ်များကို အကြမ်းဖက်သမားများက လူမျိုးရေးနှင့် ဘာသာရေးကို အသုံးချပြီး အကြမ်းဖက်သမားများ ဖြစ်လာအောင် သိမ်းသွင်းနေကြသည်။ပြင်သစ်နိုင်ငံသား ယောကျ်ား ၁၀၀၀ ခန့်သည် အီရတ်နှင့် ဆီးရီးယားရှိ IS များထံ သွားရောက်ခဲ့ကြသည်။ အနောက်နိုင်ငံ လူ့အဖွဲ့အစည်းလို မုန်းတီးရေးများ သွတ်သွင်းပြီး အကြမ်းဖက်သမားများ ဖြစ်လာအောင် လုပ်ဆောင်နေကြသည်။ ပါရီ တိုက်ခိုက်မှုတွင် အဓိကဇာတ်ကောင်ဖြစ်သူ ဆာလာအဗ္ဗဒူဆာလမ်သည် ဘယ်ဂျီယမ်တွင် နေထိုင်သူဖြစ်သည်။ ဂျီဟတ် အဖွဲ့ဝင်သည် အွန်လိုင်းမှတစ်ဆင့် ရာဇဝတ်မှု ကျူးလွန်ထားခဲ့ဖူးသူများကို စည်းရုံးပြီး အကြမ်းဖက် တိုက်ခိုက်မှုများ ပြုလုပ်ရန် အမိန့်ပေးလျက် ရှိသည်။