တခြားလိဂ်တွေထက် ခက်ခဲပါတယ်ဆိုတဲ့ ပရီးမီးယားလိဂ်ပြိုင်ပွဲမှာ ချန်ပီယံဆုကို (၃)ရာသီဆက်တိုက် ရယူနိုင်ခဲ့တဲ့ မန်စီးတီးအသင်းအတွက် ဘယ်အရာက ပိုခက်ခဲနိုင်ဦးမှာလဲ။ ဂွါဒီယိုလာက ဖလားသုံးလုံးအောင်ပွဲ ထပ်ရဖို့ မလွယ်ဘူးလို့ ပြောခဲ့ဖူးပေမဲ့ အခုအချိန်အထိ မန်စီးတီးအသင်းက ထူးထူးခြားခြားလုပ်မပြရသေးဘူးလို့လည်း ဆိုထားပါတယ်။ ဒါဟာ ဖလားသုံးလုံး အောင်ပွဲက သာမန်ပါပဲလို့ ဆိုလိုတာလား။ သူ့ ခေတ်သူ့အခါအရ အကောင်းဆုံးဖြစ်ခဲ့ဖူးကြတဲ့ မန်ယူလည်း မရယူနိုင်ခဲဲ့တဲ့၊ ဘာစီလိုနာလည်း မရယူနိုင်ခဲ့တဲ့၊ ဘိုင်ယန်မြူးနစ်လည်း မရယူနိုင်ခဲ့တဲ့ ဖလားသုံးလုံးချန်ပီယံဘွဲ့ကို ကာကွယ်နိုင်မှ ထူးခြားတဲ့စွမ်းဆောင်မှုအဖြစ် ဂွါဒီယိုလာက သတ်မှတ်ချင်တာလား။ ဒါမှမဟုတ် ဆဲလ်တစ်လို ဖလားလေးလုံးအောင်ပွဲ ရယူချင်နေတာလား။ တကယ်တော့ လိဂ်ဖလားဆိုတာက အင်္ဂလန်မှာ တန်ဖိုးအနိမ့်ဆုံးအဖြစ် သတ်မှတ်ခံထားရတဲ့ ပြိုင်ပွဲဖြစ်တာကြောင့် မန်စီးတီးအသင်းအနေနဲ့ တခြားပြိုင်ပွဲတွေကို ဦးစားပေးတဲ့အခါ လွတ်ကျသွားခဲ့တဲ့ တစ်နည်းအားဖြင့် လွှတ်ချထားခဲ့တဲ့ ဖလားတစ်လုံးလို့ ဆိုရမှာပါ။ ဂွါဒီယိုလာသာ အလိုရှိခဲ့ရင် လိဂ်ဖလားက ဘာကြောင့် မရနိုင်ရမှာလဲ။ ဖလားလေးလုံး အောင်ပွဲကရော ဘာကြောင့် မရနိုင်ရမှာလဲ။