လာမာစီယာအကယ်ဒမီ၏ နည်းပြအဖွဲ့ဝင်အဖြစ်ဆောင်ရွက်ရန် ဘာစီလိိုနာနှင့် ဆာဗီယိုလာဆွေးနွေး
Photo: Getty Images
ဘာစီလိုနာအသင်း၏ တိုက်စစ်မှူးဟောင်း ဆာဗီယိုလာသည် လာမာစီယာအကယ်ဒမီ၏ နည်းပြအဖွဲ့ဝင်တစ်ဦးအဖြစ် ဆောင်ရွက်သွားရန် ဘာစီလိုနာအသင်းတာဝန်ရှိသူများနှင့် ဆွေးနွေးနေကြောင်း သိရသည်။
ဆာဗီယိုလာ(၄၀ နှစ်)သည် လက်ရှိအချိန်၌ အန်ဒိုရာကလပ် အော်ဒီနိုအသင်းကို ကိုင်တွယ်နေသူဖြစ်ပြီး နည်းပြတစ်ဦးအဖြစ် ဘာစီလိုနာအသင်းနှင့် ပြန်လည်လက်တွဲရန် ဆန္ဒရှိနေခြင်းဖြစ်သည်။
ဆာဗီယိုလာသည် လက်ရှိ ဘာစီလိုနာနည်းပြ ဇာဗီနှင့် ဆက်ဆံရေးကောင်းရှိနေခြင်းကြောင့် လူငယ်အသင်းတစ်သင်းကို ကိုင်တွယ်ခွင့်ရရန် မျှော်လင့်နေကြောင်းလည်း သိရသည်။
