ပြီးခဲ့တဲ့ ဖေဖော်ဝါရီ (၁၁)ရက်နေ့ကနေ မတ် (၁၃)ရက်နေ့ အထိ တစ်လကျော်ကာလအတွင်း ယှဉ်ပြိုင်ခဲ့တဲ့ ပရီးမီးယားလိဂ် ပွဲစဉ် (၅)ပွဲစလုံးကို အာဆင်နယ်ဟာ ရာနှုန်းပြည့်အနိုင်ယူခဲ့တယ်။  အသင်းက ချန်ပီယံလိဂ်ဝင်ခွင့် အဆင့် (၄)နေရာမှာရပ်တည်နိုင်ခဲ့ပြီး အဲဒီကာလခြေစွမ်းအရဆို ပြိုင်ဘက်အသင်းတွေနဲ့ ယှဉ်လိုက်ရင် အာဆင်နယ်ဟာ ခေါင်းတစ်လုံးသာသလိုတောင် ဖြစ်နေတယ်။  ဒါပေမဲ့ တစ်ခဏအတွင်းမှာပဲ အာဆင်နယ်ဟာ သူမဟုတ်တော့သလိုပုံစံနဲ့ ချက်ချင်းပြိုဆင်းသွားပြီး မတ်လ (၁၇)ရက် နေ့ကနေ နောက်ဆုံးကစားခဲ့တဲ့ ပရီးမီးယားလိဂ် (၅)ပွဲမှာ (၁)ပွဲသာနိုင်ပြီး၊ (၄)ပွဲအထိရှုံးနိမ့်ခဲ့တယ်။ ချန်ပီယံလိဂ်ဝင်ခွင့်အတွက်လည်း ကိုယ့်လက်ထဲမှာအခွင့်အရေးမရှိတော့ဘဲ စပါး၊ မန်ယူ၊ ဝက်စ်ဟမ်းတို့လို ပြိုင်ဘက်အသင်းတွေရဲ့ အမှားကိုပါ စောင့်မျှော်ရမယ့်အခြေအနေမျိုးဖြစ်သွားတယ်။