အန်ဒိုရာနှင့် အင်္ဂလန်အသင်းတို့ ယှဉ်ပြိုင်ကစားမည့် ကမ္ဘာ့ဖလားခြေစစ်ပွဲတွင် ကွင်းအတွင်း၌ အမျိုးသမီးဒိုင်များ တာဝန်ယူကိုင်တွယ်မည်ဖြစ်ကြောင်း သိရသည်။
ယင်းပွဲစဉ်ကို အန်ဒိုရာအသင်း၏ Venue Estadi Nacional ကွင်း၌ ကျင်းပမည် ဖြစ်ပြီး ကွင်းလယ်ဒိုင်နှင့် စည်းကြပ်ဒိုင်အဖြစ် ယူကရိန်းအမျိုးသမီးဒိုင်သုံးဦး၊ VAR ဒိုင်အဖြစ် ပြင်သစ်အမျိုးသမီးဒိုင်တစ်ဦးက တာဝန်ယူဆောင်ရွက်မည်ဖြစ်သည်။
အမျိုးသားပွဲစဉ်များတွင် အမျိုးသမီးဒိုင်များသာ ပထမဆုံး တာဝန်ယူမှုအဖြစ် ပြီးခဲ့သည့်နှစ်တွင် ဆန်မာရီနို-ဂျီဘရော်လ်တာ UEFA Nations League ပွဲစဉ်က မှတ်တမ်းဝင်ထားသည်။
အန်ဒိုရာ-အင်္ဂလန်ပွဲကို ကိုင်တွယ်မည့် ကွင်းလယ်ဒိုင် မွန်ဇူလ် (၄၀ နှစ်) သည် ဆန်မာရီနို-ဂျီဘရော်လ်တာပွဲကိုလည်း တာဝန် ယူခွင့်ရခဲ့ကြောင်း သိရသည်။
အန်ဒိုရာအသင်း၏ Venue Estadi Nacional ကွင်းတွင် မနေ့က မီးလောင်မှုဖြစ်ပွားခဲ့ကြောင်းလည်း သိရသည်။
