မေလာဟာ ယူရို-၂၀၂၀ ပြိုင်ပွဲမှာ ဂိုးသမား ရှမိုက်ကယ်၊ နောက်ခံလူ ခရစ္စတန်ဆင်နဲ့ ကွင်းလယ်လူ ဟူဘယက်တို့နဲ့အတူ ဒိန်းမတ်အသင်းအတွက် ကစားပြီးတဲ့ပွဲစဉ် (၄)ပွဲစလုံး ပွဲချိန်ပြည့်ပါဝင်ကစားထားတဲ့ ကစားသမားဖြစ်ပါတယ်။ နောက်ခံအစွန်လူတစ်ဦးပီပီ မေလာရဲ့ လျင်မြန်တဲ့တိုးအား၊ ရုန်းအားတွေ၊ ခံစစ်ကူညီနိုင်မှုနဲ့ တိုက်စစ်လိုက်ပါနိုင်မှု၊ နေရာစုံကစားနိုင်မှု စတဲ့ အရည်အသွေးကောင်းတွေက အရေးပါတဲ့ပွဲစဉ်တွေမှာ ထင်သာမြင်သာဖြစ်ခဲ့ပြီး ပရိသတ်အသိအမှတ်ပြုမှုကို ရရှိခဲ့သူလည်းဖြစ်ပါတယ်။