လစ္စဘွန်းမြို့က ဆန်တာ မာရီယာဆေးရုံအုပ် ဒန်နီရယ်လ်ဖာရိုုးက ''ကိုရိုနာဗိုင်းရပ်စ်ကူးစက်ခံရသူတွေ အတွက် အထူးကြပ်မတ်ကုသဆောင်မှာ လိုအပ်တာတွေအားလုံး စီရော် နယ်လ်ဒို လှူဒါန်းခဲ့ပါတယ်။ ဂျော့ချ်မန်ဒက်စ်ကတစ်ဆင့် စီရော်နယ်လ်ဒို လှူဒါန်းခဲ့တာပါ'' လို့ ဝမ်းသာအားရ ပြောခဲ့ဖူးပါတယ်။ စီရော်နယ်လ်ဒိုက သူ ကိုယ်တိုင် အလှူအတန်းရက်ရောသလို၊ သူနဲ့နီးစပ်သူတွေကိုလည်း အလှူအ တန်းလုပ်ပါဆိုပြီး တိုက်တွန်းတတ်သေးတယ်။ ပေါ်တူဂီအသင်း ယူရို-၂၀၂၀ ခြေစစ်ပွဲအောင်မြင်ပြီးနောက် ရရှိလာတဲ့  ဆုကြေးတွေကို လှူဒါန်းရအောင်ဆို ပြီး စီရော်နယ်လ်ဒို တိုက်တွန်းခဲ့တာပါပဲ။ ဒီအ ကြောင်းကို ဘာနာဒိုဆေးလ်ဗားက ''ကိုရိုနာ ဗိုင်းရပ်စ်တိုက်ဖျက်ရေးအတွက် ကျွန်တော် တို့ဆုကြေးတွေ လှူရအောင်လို့ စီရော်နယ်လ်ဒို ပြောလာပါတယ်။ ကျွန်တော် တို့ ပေါ်တူဂီအသင်းသားတွေအားလုံး ဆုကြေးရဲ့တစ်ဝက်ကို လှူဒါန်းခဲ့ကြပါ တယ်'' လို့ ပြန်ပြောပြတယ်။