၂၀၂၀ မတ်လမှာ MMA ပြိုင်ပွဲဖြစ်တဲ့ Invicta ရဲ့ အမျိုးသမီးဘင်တန်ဝိတ်တန်း ချန်ပီယံဆုကို ရယူနိုင်ခဲ့တယ်။ အဲဒီမှာပဲ ယူလီယာရဲ့ ဖိုက်တာဘဝဟာ အလှည့်အပြောင်းဖြစ်ခဲ့ပြီး ၂၀၂၀ သြဂုတ်လမှာ UFC က စာချုပ်ချုပ်ဆိုလိုက်ပါတယ်။ ယူလီယာဟာ UFC ရဲ့ မှတ်တမ်းမှာတော့ Lethwei ချန်ပီယံအဖြစ် ပါရှိနေပြီး သူမရဲ့ Fight Style မှာလည်း ဘရာဇီးလ်ဂျူဂျစ်စုနဲ့ လက်ဝှေ့ကို ထည့်သွင်းထားတာကို တွေ့ရပါတယ်။ ဒါဟာ လက်လှမ်းမီသလောက်ဆိုရင် UFC မှာ ကစားနေတဲ့ ဖိုက်တာတွေထဲမှာ Lethwei ဆိုတဲ့ မြန်မာ့တိုက်ခိုက်ရေးပညာရပ်ကို Fight Style မှာ ထည့်သွင်းထားသူ အနည်းငယ်ထဲက တစ်ဦးဖြစ်ပါတယ်။ ထူးခြားတာက သူမဟာ အမျိုးသမီးဖယ်သာဝိတ်တန်းမှာ မြန်မာပြည်ရဲ့ အကောင်းဆုံးပါလို့ ပြောလို့ရတဲ့ ဘရော်နီကာကို အနိုင်ရထားသူဖြစ်ပါတယ် . . .