ကော်စတာလို့ ဆိုလိုက်ရင် ဘောလုံးပရိသတ်တွေ ပထမဆုံးပြေးမြင်မှာက ကွင်းအတွင်းမှာ ပြိုင်ဘက်ကစားသမားတွေ၊ ခံစစ်မှူးတွေကို အမြဲတမ်းရန်လိုနေတတ်တဲ့ ဖိုက်တာတစ်ဦးရဲ့ ပုံရိပ်ပဲဖြစ်ပါလိမ့်မယ်။ အက်သလက်တီကိုကစားသမားဘဝမှာပဲ အနိမ့်အမြင့်အတက်အကျမျိုးစုံကို ဖြတ်သန်းခဲ့ရတဲ့ ကော်စတာရဲ့ မက်ဒရစ်ပုံရိပ်ကလည်း အပိုင်း (၂)ပိုင်းနဲ့ပါ။ ပထမတစ်ပိုင်းကတော့ သူ့အတွက် ချိုမြိန်လှတဲ့ သကာဆမ်းနေ့ရက်တွေဖြစ်ပြီး၊ ဒုတိယတစ်ပိုင်းကတော့ ဒဏ်ရာပြဿနာတွေ၊ ဂိုးပေါက်ပျောက်ဆုံးမှုတွေ၊ ကြံ့ခိုင်မှုပြဿနာတွေနဲ့ လမ်းခွဲတဲ့အထိဖြစ်ခဲ့တဲ့ ငရဲလိုနေ့ရက်တွေပါပဲ။