ရန်ကုန်တိုင်းဒေသကြီး သုဝဏ္ဏလမ်းဆုံ မီးပွိုင့်အနီးတွင် YBS ၁၀ ယာဉ် နောက်ဆုံးမှ ဝင်တိုက်ရာမှ ယဉ်လေးစီးဆင့်တိုက်မှု ဇူလိုင် ၉ ရက် ညနေ ၅ နာရီခွဲကျော်က ဖြစ်ပွားခဲ့သည်။
“၅ ခွဲကျော်လောက်က ဖြစ်တာ။ YBS ၁၀ က နောက်ဆုံးက တိုက်တာ။ ရှေ့ဆုံးကကားက ကြယ်ငါးပွင့် သင်္ဘောကုမ္ပဏီက ကားပါ။ အလယ်က ၂ စီးက အငှားယာဉ်ပါ။ ဖြစ်တာက သုဝဏ္ဏ အားကစားကွင်း ခုံးတံတားအဆင်း သုဝဏ္ဏလမ်းဆုံမီးပွိုင့် မရောက်ခင်နားမှာ ဖြစ်တာပါ” ဟု ယာဉ်တိုက်မှုအား မျက်မြင်တွေ့ရှိသူ တစ်ဦးက ပြောကြားသည်။
ယာဉ်တိုက်မှု ဖြစ်ပွားခဲ့ပြီးနောက် အဆိုပါနေရာ အနီးတစ်ဝိုက်တွင် ပုံမှန်ထက်ပိုမို လမ်းကြောပိတ်ဆို့မှု ဖြစ်ပွားခဲ့သည်။
အဆိုပါ ဖြစ်စဉ်အား သက်ဆိုင်ရာရဲစခန်းမှ ဆက်လက် စစ်ဆေးနေကြောင်း သိရသည်။
