မော်လ်တာနိုင်ငံ၏ ခရီးသွား လုပ်ငန်းအာဏာပိုင်အဖွဲ့ (MTA) အနေဖြင့် ပရီးမီးယားလိဂ်ထိပ်သီးကလပ် မန်ယူအသင်းကို ယူရိုသန်း ၂၀ စပွန်ဆာပေးမည့်သတင်းမှာ မှန်ကန်မှုမရှိကြောင်း မော်လ်တာ ခရီးသွား လုပ်ငန်းဝန်ကြီး မစ်ဇီက ငြင်းဆန်ပယ်ချခဲ့သည်။

မန်ယူအသင်းသည် မော်လ်တာနိုင်ငံ၏ ကမ္ဘာလှည့်ခရီးသွားလုပ်ငန်း တိုးမြင့်လာစေရေး ကူညီဆောင်ရွက်ပေးရန် မော်လ်တာ အစိုးရ၊ MTA တို့နှင့် စက်တင်ဘာ အစောပိုင်းတွင် သဘောတူညီမှုရရှိထားသည်။ 

ထို့အပြင် Visit Malta အမှတ်တံဆိပ်ကို လာမည့်သုံးနှစ်အတွင်း အိုးလ်ထရက်ဖို့ဒ်ကွင်းအပါအဝင် ဒစ်ဂျစ်တယ်စျေးကွက်မြှင့်တင်ရေးလုပ်ငန်းများတွင် အသုံးပြု ခွင့်စာချုပ်ကို ယူရိုသန်း ၂၀ ဖြင့် ချုပ်ဆိုထားကြောင်း Times of Malta သတင်းဌာနက ဖော်ပြခဲ့သည်။ 

သို့သော် ခရီးသွားလုပ်ငန်းဝန်ကြီး မစ်ဇီက ယင်းသတင်းမှာ မှန်ကန်မှုမရှိကြောင်း နှင့် အချက်အလက်များမှာ ရေးသားသူ၏ ခန့်မှန်းချက်သာဖြစ်ကြောင်း ရှင်းလင်းပြောကြားခဲ့သည်။