အာဆင်နယ်အသင်းနည်းပြ အာစင်းဝင်းဂါးက လီဗာပူးလ်တိုက်စစ်ကစားသမား ဆာလာအနေဖြင့် ဂိုးရှေ့တွင် တစ်ကိုယ်ကောင်းမဆန်ပါက မက်ဆီကဲ့သို့ ကစားသမားဖြစ်လာလိမ့်မည်ဟု သုံးသပ်ပြောကြားခဲ့သည်။
အီဂျစ်တောင်ပံ ကစားသမား ဆာလာသည် ပြီးခဲ့သည့် ဘန်လေနှင့်ပွဲစဉ်တွင် ပြိုင်ဘက်ဂိုးရှေ့၌ လွတ်လွတ်ကျွတ်ကျွတ်ရှိနေသည့် အသင်းဖော် မာနေအား ဘောလုံးမပေးဘဲ ကိုယ်တိုင်ကန်သွင်းယူခဲ့ခြင်းကြောင့် မာနေ၏ဒေါသပေါက်ကွဲမှုကို မြင်တွေ့ခဲ့ရသည်။
အာစင်ဝင်းဂါးက "သူက အဝေးကွင်းမှာ တစ်ရာသီဂိုး (၂၀)လောက်တော့ ပုံမှန်သွင်းယူနိုင်ပါတယ်။ သူက မက်ဆီလို ကစားသမားမျိုးပါ။ ဒါပေမဲ့ သူ့အနေနဲ့ မက်ဆီရဲ့စိတ်သဘောထားမျိုးရှိဖို့ လိုအပ်ပါသေးတယ်။ သူဟာ အဆုံးသတ်ကောင်းမွန်တဲ့ကစားသမားဖြစ်ပေမယ့် တစ်ခါတလေမှာ အသင်းဖော်တွေကို ဘောလုံးပေးပို့ဖို့လည်း လိုအပ်ပါတယ်" ဟု ဆိုခဲ့သည်။
