မလေးရှားနိုင်ငံသည် ထောက်ပံ့ကြေးပေးထားသော ဒီဇယ်နှင့် ထောက်ပံ့ကြေးမပါသော ဒီဇယ်စျေးနှုန်းများအကြား လက်ရှိကွာဟချက်ကြောင့် မှောင်ခိုကူးမှုများနှင့် အခွန်ဘဏ္ဍာဆုံးရှုံးမှုများ ဖြစ်ပေါ်စေခဲ့ပြီးနောက် ဇူလိုင်လမှစ၍ တစ်နိုင်ငံလုံးရှိ ၎င်း၏နိုင်ငံသားများအတွက် ဒီဇယ်ဆီစျေးနှုန်းကို တစ်လီတာလျှင် ရင်းဂစ် ၂ ဒသမ၁၀ (အမေရိကန် ဒေါ်လာ ၀.၅၁) သို့ လျှော့ချပေးမည်ဖြစ်သည်။
မလေးရှားကျွန်းဆွယ်တွင် ဒီဇယ်တစ်လီတာလျှင် ရင်းဂစ် ၄ ဒသမ ၃၇ ရှိသော်လည်း အရှေ့ပိုင်းပြည်နယ်များဖြစ်သော ဆာဘားနှင့် ဆာရာဝက်တို့တွင် လက်ရှိ၌ ထောက်ပံ့ကြေးပေးထားသော စျေးနှုန်းဖြစ်သည့် တစ်လီတာလျှင် ရင်းဂစ် ၂ ဒသမ၁၅ ဖြင့် ရောင်းချနေသည်။
ထို့ကြောင့် မူဝါဒအသစ်အရ မော်တော်ယာဉ်မောင်းများသည် လက်ရှိ မလေးရှားကျွန်းဆွယ်စျေးနှုန်း၏ ထက်ဝက်ကျော် ပိုမိုသက်သာစွာ ပေးချေရမည်ဟု ဆိုလိုခြင်းဖြစ်သည်။
၂၀၂၄ ခုနှစ် ဇွန်လကတည်းက မလေးရှားကျွန်းဆွယ်တွင် ဒီဇယ်စျေးနှုန်းကို လွတ်လပ်စွာ အတက်အကျဖြစ်စေခဲ့သော်လည်း မလေးရှားအရှေ့ပိုင်းတွင်မူ ကြမ်းတမ်းသော မြေမျက်နှာသွင်ပြင်ကြောင့် ဒီဇယ်သုံးမော်တော်ယာဉ်များကို မရှိမဖြစ်လိုအပ်ချက်တစ်ခုအဖြစ် သတ်မှတ်ထားသောကြောင့် ထောက်ပံ့ကြေးများကို ဆက်လက်ခံစားခွင့် ရရှိနေဆဲဖြစ်သည်။
