ရန်ကုန်တွင် ငလျင်လှုပ်ခတ်ပြီး သိသိသာသာခံစားရသည်ဟု ဒေသခံများက ပြောကြားသည်။
ဇွန် ၁၁ ရက် မွန်းတည့် ၁၂ နာရီ ၁၅ မိနစ်ခန့်က ငလျင်လှုပ်ခတ်ခဲ့ခြင်းဖြစ်ပြီး အလုံ၊ သာကေတ၊ လှိုင်၊ ဒေါပုံ အစရှိသည့် မြို့နယ်အများစုတွင် ခံစားခဲ့ရသည်။
" သိသိသာသာခံစားလိုက်ရတယ်။ ဒုန်းကနဲပဲ" ဟု သာကေတမြို့နယ်တွင် နေထိုင်သူတစ်ဦးက ပြောကြားသည်။
ငလျင်အက်ပက်လီကေးရှင်းအချို့တွင် ဖော်ပြချက်အရ ငလျင်မှာ တွံတေးမြို့အနီးတွင် လှုပ်ခတ်ခဲ့ပြီး ပြင်းအား ၄ ရစ်ချ်တာစကေးရှိကာ အနက် ၁၀ ကီလိုမီတာတွင် လှုပ်ခတ်ခဲ့ခြင်းဟု ဖော်ပြထားသည်။
