ကရင်ပြည်နယ် ၊မြဝတီမြို့နယ် တွင် တစ်နှစ်ကျော်ကြာပိတ်ထားခဲ့ရသော သဃ်န်းညီနောင်း အထက်တန်းကျောင်းအား လာမည့် ၂၀၂၆/၂၀၂၇ ပညာသင်နှစ်တွင် ပြန်လည်ဖွင့်လှစ်နိုင်ရန် ဒေသတာဝန်ရှိသူများ၊ မြို့မိမြို့ဖများနှင့် ကရင်ပြည်နယ် နယ်ခြားစောင့်တပ်ဖွဲ့များက ဧပြီ ၃ ရက်က စုပေါင်းသန့်ရှင့်ရေးနှင့် လိုအပ်ချက်များ ပြန်လည်ပြုပြင်ရန်ဆောင်ရွက်ခဲ့ကြကြောင်း သိရသည်။
"သဃ်န်းညီနောင်မှာ ဒေသအခြေအနေကြောင့် နှစ်နှစ်နီးပါး ပိတ်ထားခဲ့ရတယ်။ဒီကျောင်းကြီးမှာ တောတွေခြုံတွေထူထပ်ပြီးတော့ ဖြစ်နေတာ၊ ဒါကိုရှင်းလင်းဖို့အတွက် မြို့မိမြို့ဖ ဦးသန်းရွှေ ဦးဆောင်ပြီးတော့ ၊မြို့နယ်အုပ်ချုပ်ရေးမှူး နဲ့ မြို့မိမြို့ဖ ၊စည်ပင်သာယာရေး၊တပ်မတော်နဲ့ ဌာနဆိုင်ရာ အဖွဲ့စည်းပေါင်းစုံ စုပေါင်းကာ လူအား စက်အားနဲ့ လုပ်ဆောင်တာဖြစ်ပါတယ်။ "ဟု မြို့နယ်ပညာရေးမှူး ဦးမိုးကျော်က ပြောသည်။
ကျောင်းဝင်းအတွင်း မြေပြင်တွင် ခြုံထူ၊ တောထနေမှုမျာအား ကရင်နယ်ခြားစောင့်တပ် မှ ဗိုလ်မှူးချုပ် စောမုတ်သုန်၊ဗိုလ်မှူး စောထူးနှင့် ဗိုလ်မှူး မုန်တိုင်း ဦးဆေင်သော တပ်ဖွဲ့ဝင် အင်အား ၂၀၀ ခန့်၊တပ်မတော်သားများ၊ရဲတပ်ဖွဲ့ဝင်များ ၊အုပ်ချုပ်ရေး အဖွဲ့ဝင်များ က စက်အားလူအားဖြင့် ရှင်းလင်းဆောင်ရွက်ခဲ့သည်။
ကျောင်းဆောင်းအတွင်း လက်နက်ကြီးကျည်ကျပြီး ပျက်စီးနေမှုများ၊လက်နက်ငယ်ကျ၌စကာပေါက်ဖြစ်နေသော ခေါင်မိုးများ ၊မျက်နှာကြက်များ၊စာရေးစားပွဲခုံများ နံရံများ ပြန်လည်ပြုပြင်ခြင်းနှင့် ဆိုလာစနစ် ဖြင့် လျှပ်စစ်မီးရရှိအောင် ဆောင်ရွက်မည့်အစီစဉ်များအား ဗိုလ်ချုပ်စောချစ်သူနှင့် ဗိုလ်မှူးချုပ်စောမုတ်သုန်တို့က တာဝန်ယူ လုပ်ဆောင်သွားမည် ဖြစ်သည်။
ထို့အတူ ကျောင်းတော် ပြန်လည်ထူထောင်ရေးအတွက် ရပ်မိရပ်ဖများ၊လုပ်ငန်းရှင်များက ပံ့ပိုးဆောင်ရွက်သွားမည်ဖြစ်ပြီး ယခုနှစ်ပညာသင်နှစ်တွင် အထက်တန်းကျောင်း ဖွင့်လှစ်နိုင်ရန်အတွက် ယနေ့ နံနက်က ပြည်သူ့လွှတ်တော်ကိုယ်စားလှယ် ဦးခင်မောင်ချင်း၊ မြို့နယ်အုပ်ချုပ်ရေးမှူး ဦးဇော်မော်အောင်နှင့် အထွေထွေအုပ်ချုပ်ရေးဝန်ထမ်းများ၊ မြို့နယ်ပညာရေးမှူး ဦးမိုးကျော်နှင့် ဆရာ/ ဆရာမများ၊ အုပ်ချုပ်ရေးတာဝန်ရှိသူများ၊ မြို့မိမြို့ဖဦးသန်းရွှေနှင့်အဖွဲ့၊မီးသတ်တပ်ဖွဲ့၊ အရံမီးသတ်တပ်ဖွဲ့ဝင်များ၊ စည်ပင်သာယာရေးအမှုဆောင်အရာရှိ ဦးကျော်ကျော်ဦးနှင့် စည်ပင်သာယာရေးဝန်ထမ်းအဖွဲ့များ၊ စစ်မှုထမ်းဟောင်းအဖွဲ့၊ဗိုလ်ချုပ်စောချစ်သူအဖွဲ့၊ဗိုလ်မှူးကြီးစောမုတ်သုန်နှင့်အဖွဲ့များ၊ တပ်ရင်းတပ်ဖွဲ့များ၊ ကြံခိုင်ရေးပါတီခရိုင်ဥက္ကဌ ဦးအောင်မျိုးထွန်း၊မြို့နယ်ပါတီဥက္ကဌနှင့်အဖွဲ့များ၊ ဆုံဆည်မြိုင်ကုမ္ပဏီမှ စောဝင်းမြင့်ဦးနှင့်အဖွဲ့များ၊ ညီနောင်ဥက္ကဌနှင့်ဒေသပြည်သူများ စုပေါင်းသန့်ရှင်းရေးပူးပေါင်း ဝိုင်းဝန်းဆောင်ရွက်ခဲ့ကြသည်။
တစ်နှစ်ကျော်ကြာပိတ်ထားခဲ့ရသော သဃ်န်းညီနောင်း အထက်တန်းကျောင်းအား လာမည်ပညာသင်နှစ်တွင် ဖွင့်လှစ်နိုင်ရန် ဆောင်ရွက်ခဲ့ကြသည်။
