■ မင်္ဂလာတောင်ညွှန့်မြို့နယ် ယုဇနပလာဇာအနီး Level 2 အဆင့် မီးလောင်မှုမှာ ပိတ်စနှင့် အထည်အလိပ်များထားသည့် တိုက်ခန်းမှစ၍ မီးလောင်ခြင်းဖြစ်
မင်္ဂလာတောင်ညွှန့်မြို့နယ် ယုဇနပလာဇာအနီး Level 2 အဆင့် မီးလောင်မှုတွင် ပိတ်စနှင့် အထည်အလိပ်များထားသည့် တိုက်ခန်းမှစ၍ မီးလောင်ခြင်းဖြစ်ကြောင်း ပတ်ဝန်းကျင်ရှိသူများထံမှ သိရသည်။
“မီးစလောင်တာကတော့ ပိတ်စတွေ၊ အထည်အလိပ်တွေထားတဲ့ မြေညီတိုက်ခန်းကနေစပြီး မီးလောင်တာပါ။ ဘေးကပ်ရပ်အခန်းပါ မီးထပ်ကူးသွားတယ်” ဟု ပတ်ဝန်းကျင်ရှိသူတစ်ဦးက ပြောကြားသည်။
မီးလောင်မှုကြောင့် ပျက်စီးဆုံးရှုံးမှုတန်ဖိုးအား သက်ဆိုင်ရာ စစ်ဆေးနေကြောင်း၊ မီးလောင်မှုမှာ တစ်နာရီကျော်ကြာခဲ့ကြောင်း ၎င်းက ဆက်လက်ပြောကြားသည်။
အဆိုပါမီးလောင်မှုနှင့်ပတ်သက်၍ သက်ဆိုင်ရာတာဝန်ရှိသူများက ဆက်လက်စုံစမ်းစစ်ဆေးလျက်ရှိကြောင်း သိရသည်။
