မန်ယူအသင်းဟာ ဝုလ်ဗ်အသင်းက ဘရာဇီးလ်ကွင်းလယ်ကစားသမား ဂျော်အိုဂိုးမက်စ်ကို ဇန်နဝါရီစျေးကွက်မှာ ခေါ်ယူဖို့ ကြိုးပမ်းနေကြောင်း သိရပါတယ်။
ဂျော်အိုဂိုးမက်စ်(၂၄ နှစ်)ဟာ ၂၀၂၃ ဇန်နဝါရီမှာ ဖလာမင်ဂိုကနေ ဝုလ်ဗ်အသင်းကို ယူရို(၁၈.၇)သန်းနဲ့ ပြောင်းရွှေ့ခဲ့သူဖြစ်ပြီး လက်ရှိစာချုပ်က ၂၀၃၀ အထိ ဖြစ်တဲ့အပြင် တစ်နှစ်သက်တမ်းထပ်တိုးနိုင်မယ့် သဘောတူညီမှုလည်း ပါဝင်ပါတယ်။
ဂျော်အိုဂိုးမက်စ်က ဝုလ်ဗ်အသင်းရဲ့ အမာခံကစားသမားတစ်ဦးအဖြစ် ခြေစွမ်းပြနေတာကြောင့် မန်ယူအသင်းက ခေါ်ယူဖို့ ကြိုးပမ်းနေခြင်းဖြစ်ပြီး အသင်းနှစ်သင်းကြား ဆွေးနွေးမှုတွေ စတင်နေပြီလို့လည်း သတင်းထွက်နေပါတယ်။
ဂျော်အိုဂိုးမက်စ်က လီဗာပူးလ်အသင်းဟာ သူ့ရဲ့ အိပ်မက်အသင်းဖြစ်ကြောင်း ဝန်ခံခဲ့ဖူးပေမဲ့ မန်ယူအသင်းမှာ ပြောင်းရွှေ့ကစားဖို့လည်း ဆန္ဒရှိနေကြောင်း သိရပါတယ်။
ဝုလ်ဗ်အသင်းက ဇန်နဝါရီစျေးကွက်မှာ အမာခံကစားသမားတွေကို ရောင်းထုတ်လိုခြင်းမရှိပေမဲ့ ဂျော်အိုဂိုုးမက်စ်ကိုတော့ ယူရိုသန်း(၅၀)နဲ့ ရောင်းထုတ်ဖွယ်ရှိကြောင်း သိရပါတယ်။
