နိုဝင်ဘာလ Nations League ပွဲတွေမှာ လက်ရှိချန်ပီယံစပိန်ရဲ့ ပြိုင်ဘက်တွေက ဒိန်းမတ်နဲ့ဆွစ်ဇာလန်တို့ပါ။ စပိန်ဟာ ၂၀၂၄-၂၅ ရာသီ UEFA Nations League ပြိုင်ပွဲ၊ League (A)ရဲ့ အုပ်စု (D)မှာ ရမှတ် (၁၀)မှတ်ရရှိထားပြီး ထိပ်ဆုံးမှာဦးဆောင်ထားသလို ဆီမီးဖိုင်နယ်တက်ရောက်ဖို့လည်း အခွင့်အရေးကောင်းနေတယ်။ ဒီသောကြာညမှာ ကစားရမယ့် ဒိန်းမတ်နဲ့ပွဲက စပိန်ကို အုပ်စုပထမနေရာရ၊ မရ အဆုံးအဖြတ်ပေးနိုင် မယ့်ပွဲမျိုး ဖြစ်နေတယ်။ ကစားရမှာက ဒိန်းမတ်ရဲ့ ကွင်းမှာဆိုတော့ စပိန်အတွက် သတိကြီးကြီးနဲ့ကစားရတော့မယ်။ စပိန်ရဲ့နောက်တစ်ပွဲကတော့ အုပ်စုအောက်ဆုံးက ဆွစ်ဇာလန်အသင်းနဲ့ အိမ်ကွင်းမှာ ကစားရမယ့်ပွဲဆိုတော့ စပိန်အတွက်သိပ်မခက်ခဲလောက်ပါဘူး။ ဒါကြောင့် ဒိန်းမတ်နဲ့ပွဲကိုသာ အမှတ်ရအောင်ကစားနိုင်ခဲ့ရင် စပိန်အတွက်အုပ်စုပထမနေရာက သေချာသလောက်ဖြစ်သွားနိုင်ပေမယ့် ပေါ့ဆလို့မရသေးတာအမှန်ပါပဲ။ စပိန်တို့လက်ရှိ ချန်ပီယံဆုကို ဆက်လက်ထိန်းသိမ်းနိုင်ရေးအတွက် ဒီတစ်ခေါက် Nations League ပွဲတွေကိုလည်း အနိုင်ရလဒ်နဲ့ ကျော်လွှားပြရဦးမှာပါ။