မန်စီးတီးအနေဖြင့် အသင်းနောက်ခံလူဟောင်း ဘင်ဂျမင်မန်ဒီအား ပေးရန်ရှိသည့်လစာငွေများအား ပေးအပ်ရန် တရားရုံးက အမိန့်ချမှတ်ခဲ့ကြောင်း သိရသည်။

ပြင်သစ်နောက်ခံလူ မန်ဒီအနေဖြင့် ၂၀၂၁ ခုနှစ် သြဂုတ်လတွင် မုဒိမ်းမှု၊ လိင်အကြမ်းဖက်မှုများဖြင့် တရားစွဲဆိုခဲ့ရပြီး ပြီးခဲ့သည့်နှစ်တွင် အမှုမှ ကွင်းလုံးကျွတ် လွတ်မြောက်ခဲ့သည်။

မန်စီးတီးအသင်းသည် မန်ဒီ၏လစာငွေကို ၂၀၂၁ စက်တင်ဘာလမှစပြီး အသင်းမှထွက်ခွာသွားသည့် ၂၀၂၃ ဇွန်လအထိ ပေးချေခြင်းမရှိဘဲ ဆိုင်းငံ့ထားခဲ့ခြင်းဖြစ်သည်။

မန်ဒီသည် မန်စီးတီးအသင်းတွင် တစ်နှစ်လစာ ပေါင်(၆)သန်း ရရှိခဲ့သူဖြစ်ပြီး ၎င်းက အသင်းထံမှ ရရန်ရှိသည့် အခွန်မဆောင်မီ လစာငွေ ပေါင် (၁၁)သန်း ရယူလိုမှုဖြင့် တရားရုံးသို့ ဦးတိုက်လျှောက်ထားခဲ့သည်။

သို့သော် မန်ဒီရရှိမည့် ငွေပမာဏနှင့်ပတ်သက်ပြီး နှစ်ဦးနှစ်ဖက် သဘောတူညီမှု မရသေးကြောင်း သိရသည်။