အာဆင်နယ်ဝါရင့်ကွင်းလယ်ကစားသမား ဂျော်ဂျင်ဟိုက မိမိအနေဖြင့် နည်းပြပညာများကို သင်ယူနေကြောင်း ဝန်ခံ ပြောကြားခဲ့သည်။ 

အသက် (၃၂)နှစ်အရွယ်ရှိ ဂျော်ဂျင်ဟိုက ၎င်းအနေဖြင့် ကနဦးတွင် နည်းပြလုပ်ရန် ဆန္ဒမရှိသော်လည်း လက်ရှိတွင် A Licence ရရှိရန် ကြိုးပမ်းနေကြောင်းလည်း ဆိုခဲ့သည်။ 

ဂျော်ဂျင်ဟိုသည် ကစားသမားဘဝ သက်တမ်းတစ်လျှောက် စုစုပေါင်း ၅၅၇ ပွဲ ကစားထားပြီး ၄၈ ဂိုးသွင်းယူထားကြောင်းသိရသည်။

"အစတုန်းကတော့ နည်းပြလုပ်ဖို့ ဆန္ဒမရှိခဲ့ပါဘူး။ ဒါပေမဲ့ အာဆင်နယ်အသင်းက ကျွန်တော့်ကို နည်းပြပညာတွေ လေ့လာခိုင်းပါတယ်။ အခု ကျွန်တော် B Licence ရပြီးပါပြီ A Licence ရဖို့လည်း ကျွန်တော် လုပ်သွားမှာပါ"ဟု ဂျော်ဂျင်ဟိုက ပြောကြားခဲ့သည်။