နံရိုးဒဏ်ရာကြောင့် တိုက်စစ်ကစားသမား ဂျိုတာ (၃) ပတ် အနားယူရမည်ဟု လီဗာပူးလ်နည်းပြ အာနယ်ဆလော့ အတည်ပြု
Photo: Evening Standard
လီဗာပူးလ်တိုက်စစ်ကစားသမား ဂျိုတာသည် နံရိုးဒဏ်ရာကြောင့် (၃) ပတ် အနားယူရမည်ဖြစ်ကြောင်း အသင်းနည်းပြ ဆလော့က အတည် ပြုပြောကြားခဲ့သည်။
ဂျိုတာ(၂၇ နှစ်) သည် ချယ်လ်ဆီး (၂-၁)ဂိုးဖြင့် အနိုင်ရသည့်ပွဲတွင် ချယ်လ်ဆီးနောက်ခံလူ တိုဆန်နှင့်တိုက်မိပြီး နံရိုးဒဏ်ရာရရှိ ခဲ့ခြင်းဖြစ်သည်။
ဂျိုတာသည် အဆိုပါ ဒဏ်ရာကြောင့် အာဆင်နယ်၊ ဘရိုက်တန်တို့ကစားခဲ့သည့်ပွဲများကို လွဲချော်ခဲ့သလို၊ လီဗာပူးလ်အသင်း၏နောက်ထပ်ပွဲစဉ် (၃) ပွဲကို လွဲချော်မည်ဖြစ်ကြောင်းသိရသည်။
လီဗာပူးလ်အသင်းနည်းပြ အာနယ်ဆလော့က တိုက်စစ်ကစားသမားဖြစ်သူ ဂျိုတာအနေဖြင့် နိုဝင်ဘာနိုင်ငံတကာပွဲစဉ်များ အပြီးမှသာ ပြန်လည်ကစားနိုင်ဖွယ် ရှိကြောင်း ပြောကြားခဲ့သည်။
