ဆော်ဒီကလပ် အယ်လ်အက်တီဖတ်အသင်း၏ ပရိသတ်များသည် နည်းပြ စတီဗင်ဂျရတ် ကို ရာထူးမှနုတ်ထွက်ရန် တောင်းဆိုခဲ့ကြောင်း သိရသည်။
အင်္ဂလန်ကွင်းလယ်ကစားသမားဟောင်း ဂျရတ်(၄၄ နှစ်) သည် ၂၀၂၃ နွေရာသီတွင် အယ်လ်အက်တီဖတ်အသင်းကို စတင်ကိုင်တွယ်ခဲ့ပြီး ၂၀၂၄ ဇန်နဝါရီ၌ ၂၀၂၇ ခုနှစ်အထိ သက်တမ်းတိုးစာချုပ် ချုပ်ဆိုခဲ့သည်။
သို့သော် ဆော်ဒီဖလားပြိုင်ပွဲတွင် ဒုတိယတန်းကလပ်အသင်းကို ရှုံးနိမ့်ခဲ့ပြီးနောက် အယ်လ်အက်တီဖတ်ပရိသတ်များက ၎င်းအား ရာထူးမှ နုတ်ထွက်ပေးရန် တောင်းဆိုခဲ့ကြခြင်းဖြစ်ကြောင်း သိရသည်။
ပရိသတ်အများစုက ၎င်း၏ လူထုတ်ပုံကို ဝေဖန်ပြစ်တင်နေကြကြောင်း သိရသည်။
စတီဗင်ဂျရတ်သည် ကစားသမားဘဝမှ အနားယူပြီးနောက် စကော့တလန်ကလပ် ရိန်းဂျားစ်အသင်းကို ကိုင်တွယ်ရာတွင် အောင်မြင်မှုများ ရယူနိုင်ခဲ့သည်။
သို့သော် ၎င်းသည် အက်စတွန်ဗီလာအသင်းကိုကိုင်တွယ်ရာတွင် ရလဒ်များဆိုးရွားသည့်ရာထူးမှ ထုတ်ပယ်ခံရဖူးသူဖြစ်သည်။
