PSG မှာ မက်ဆီ၊ နေမာတို့နဲ့ ဘာပေ အတ္တချင်းအား ပြိုင်လို့အမြင့်ဆုံးအောင်ပွဲတွေ မရခဲ့ဘူး။ ရွန်နီဟာ ဘာပေလိုမဟုတ်၊ ယူနိုက်တက်ကောင်းစားရေး ခေါင်းစဉ်အောက်မှာသာ ရွပ်ရွပ်ချွံချွံ တိုက်ပွဲဝင်ခဲ့ပါတယ်။ သူ့ရဲ့တစ်ကိုယ်ရည်စာကျော်ကြားမှုထက် ယူနိုက်တက်အောင်မြင်ရေးကိုသာ မမှိတ်မသုန် ထမ်းရွက်ခဲ့ပါတယ်။ ဒဏ်ရာရနေလည်း ဂရုမစိုက်ဘဲ ပေးဆပ်တတ်သူ၊ ပေါက်ကွဲအားပြင်းထန်သူ၊ မဟုတ် မခံစိတ်ရှိသူ၊ မာယာမများခဲ့သူရွန်နီကို ကျွန်တော် ချစ်မဝခဲ့ဘူး။ ယူနိုက်တက်ပရိသတ်တွေ ချစ်မဝခဲ့ဘူး။ နည်းပြဘဝမှာလဲဲပြိုပြီးရင်းလဲပြိုနေတဲ့ ရွန်နီကိုမြင်ရတဲ့အခါ ဝမ်းနည်းမိုးတိမ်တွေ ညို့တက်လာတယ်။ အရောင်မှိန်တဲ့နည်းပြဘဝဖြတ်သန်းမှုကြောင့် ရွန်နီကို ငပေါကြီးလို့ မထင်စေချင်ဘူး။ ဟိုတလောက ဆဲလ်တစ်နဲ့ ယူနိုက်တက်ရဲ့ ရန်ပုံငွေ ခြေစမ်းပွဲမှာ ရွန်နီက သိပ်မိုက်တဲ့ ဖရီးကစ်သွင်းဂိုး ဖန်ဆင်းပြခဲ့တယ်။ ရွန်နီက တစ်ချိန်တုန်းက သူရိုက်ဖူးတဲ့ကြော်ငြာထဲကလို လူဝကြီး ဖြစ်နေပြီ။ သန်တုန်းမြန်တုန်းမှာ သွင်းပြခဲ့တဲ့ ဖရီးကစ်သွင်းဂိုးထက် လူဝကြီးရွန်နီရဲ့ဖရီးကစ်သွင်းဂိုးက ပိုပြီးချစ်စရာကောင်းနေသလိုပဲ။ တစ်ချိန်တည်းမှာပဲ ဖီနာဘာချီနဲ့ ယူနိုက်တက်ကစားသမားဘဝ ပထမဆုံးပွဲမှာ ဟက်ထရစ်သွင်းခဲ့တဲ့ ချာတိတ်လေး ရွန်နီကို ကျွန်တော် အမှတ်ရနေမိတယ်။ အခု အဲဒီ ချာတိတ်လေး ဟက်ထရစ်သွင်းတာ နှစ်၂၀ ပြည့်ခဲ့ပါပြီ။
၀ိန်းရွန်နီ လွမ်းချင်း
အပြည့်အစုံဖတ်ရှုလိုပါက ဝယ်ယူရန်
Eleven Media Group မှ တင်ဆက်သည့် သတင်းများအားလုံးကို
တစ်ပတ် ၈၀၀ ကျပ်တည်းဖြင့် ရယူ၍ စိတ်ကြိုက်၀င်ရောက်ဖတ်ရှုနိုင်ပြီ။
ဝယ်ယူထားပြီးဖြစ်ပါက Login လုပ်ရန်
Most Read
Most Recent
12 hours ago
12 hours ago
12 hours ago
12 hours ago
12 hours ago
12 hours ago