ပြီးခဲ့တဲ့ရက်ပိုင်းက ပရီးမီးယားလိဂ်ပွဲစဉ် (၄)အဖြစ် ဆောက်သမ်တန်နဲ့ မန်ယူအသင်းတို့ ကစားခဲ့ကြတယ်။ အဲဒီပွဲမှာ မန်ယူက ဆောက်သမ်တန်ကို (၃-ဝ)ဂိုးဆိုတဲ့ ရလဒ်နဲ့ အနိုင်ရခဲ့တယ်။ ဆိုချင်တာက မန်ယူကွင်းလယ်လူ အဲရစ်ဆင်အကြောင်း။ သူက ဒီရာသီ မန်ယူအသင်းအတွက် ပထမဆုံး ပွဲထွက်ကစားခွင့်ရခဲ့ပြီး ပုံစံကောင်းတချို့လည်း ပြသနိုင်ခဲ့ပါတယ်။ အသက် (၃၂)နှစ်ရှိနေပြီဖြစ်ပေမဲ့ မန်ယူအသင်းနဲ့ အဲရစ်ဆင် အံဝင်ခွင့်ကျဖြစ်ဆဲပါပဲ။ ဒီလိုမျိုး မြက်ခင်းစိမ်းပေါ်မှာ အဲရစ်ဆင်ကို တွေ့မြင်ရတာဟာ ကျေနပ်စရာဖြစ်ပေမဲ့ နှလုံးပြဿနာတွေနဲ့ ဒဏ်ရာပြဿနာများစွာကို အဲရစ်ဆင်ဖြတ်ကျော်ခဲ့ရတာပါ။ ဒါကြောင့် သူ့ရဲ့ အင်္ဂလန်မြေရောက် ကစားသမားဘဝကြုံတွေ့မှုတွေကို ဖော်ပြချင်ပါတယ်။