ရှမ်းပြည်နယ်(တောင်ပိုင်း)၊ နမ့်စန်မြို့နယ်တွင် KNPP၊ KNDF၊ KNLA အဖွဲ့များထံသို့ ပို့ဆောင်မည့် လက်နက်/ခဲယမ်းများနှင့်အတူ RCSS/SSA အဖွဲ့မှ စုမှူးအဆင့်ရှိသူ တစ်ဦး အပါအဝင် ငါးဦးအား ဖမ်းဆီးရမိခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်သည်။
နမ့်စန်မြို့နယ်အတွင်းမှ တရားမဝင် လက်နက်/ခဲယမ်းများအား ကယားပြည်နယ်နှင့် ကရင်ပြည်နယ်အတွင်း သို့ သယ်ဆောင်ရန်ရှိကြောင်း သတင်းပေးပို့ချက်နှင့် လုံခြုံရေးတပ်ဖွဲ့ဝင်များ၏ ပူးပေါင်းစစ်ဆေးဆောင်ရွက် မှုများကြောင့် ဇူလိုင် ၁၂ ရက်တွင် နမ့်စန်မြို့နယ်၊ မတ်ကျန်းကျေးရွာအနီး နားရိုင်းကျေးရွာလမ်းခွဲ၌ မတ်ကျန်းကျေးရွာဘက်မှ မောင်းနှင်လာသည့် ယာဉ်အမှတ် 2K-7178 Vigo(အနက်ရောင်)ယာဉ်အား ရပ်တန့်စစ်ဆေးခဲ့ရာ RCSS/SSA အဖွဲ့မှ စုမှူးအဆင့်ရှိ စိုင်းနွံမိန်း၊ တပ်သားအဆင့်ရှိသူများဖြစ်ကြသည့် စိုင်းဆု(ခ)ဆုဇေယျ၊ စိုင်းကောင်၊ ဘိုဘိုဟန်နှင့် စိုင်းနွံလှိုင်း တို့ ငါးဦးအား KIA အဖွဲ့မှ ထုတ်လုပ်သည့် KA (၄၀ မမ) ငါးလက်၊ ၄၀ မမဆုံလည်(၆ လုံးတွဲ) ငါးလက်၊ ၄၀ မမ တစ်လုံးထိုး ငါးလက်၊ ၇ ဒသမ ၆၂ ကျည် ၄၃၇၆၅ တောင့်၊ ၄၀ မမ ဗုံးသီး ၄၅၀ လုံး၊ KA ကျည်အိမ် ၁၅ ခု၊ လွယ်ကြိုး ၁၅ ချောင်းတို့နှင့်အတူ ဖမ်းဆီးရမိခဲ့ကြောင်း နစက မှ ထုတ်ပြန်သည်။
ဖမ်းဆီးရမိထားသူများ၏ ထွက်ဆိုချက်အရ စိုင်းနွံမိန်းသည် RCSS/SSA အဖွဲ့၊ တပ္မဟာ(၇၅၉)မွ စုမှူးအဆင့်ရှိသူဖြစ်ပြီး ကျန်လေးဦးသည် တပ်သားအဆင့်ရှိသူများ ဖြစ်ကြောင်း၊ ဖမ်းဆီးရမိ လက်နက်/ ခဲယမ်းများအား ဇူလိုင် ၁၂ ရက်တွင် နားရိုင်းကျေးရွာလမ်းခွဲ၌ PNLA အဖွဲ့ဝင် သထိုထံမွ လက်ခံရယူ၍ PNLA အဖွဲ့နှင့်ချိတ်ဆက်ထားသည့် ကယားပြည်နယ်အတွင်းရှိ KNPP၊ KNDF အဖွဲ့များထံသို့ လည်းကောင်း၊ ကယားပြည်နယ်နှင့် ကရင်ပြည်နယ်အစပ်၌ လှုပ်ရှားလျက်ရှိသည့် KNLA အဖွဲ့ထံသို့ လည်းကောင်း၊ ပို့ဆောင်ပေးရန်အတွက် သယ်ဆောင်လာစဉ် ဖမ်းဆီးခံရခြင်းကြောင်း နစကမွ ထုတ်ပြန်သည်။
ဖြစ်စဉ်တွင် ဖမ်းဆီးရမိသည့် လက်နက်/ခဲယမ်းများသည် KIA အဖွဲ့မှ ထုတ်လုပ်သည့် လက်နက်/ခဲယမ်း များဖြစ်ကြောင်း စိစစ်တွေ့ရှိရပြီး KIA အဖွဲ့အနေဖြင့် နိုင်ငံတော်အစိုးရမှ အကြမ်းဖက်အုပ်စုအဖြစ် ကြေငြာ ထားသော PDF အဖွဲ့များထံသို့ လည်းကောင်း၊ အခြားလက်နက်ကိုင်အဖွဲ့များထံသို့ လည်းကောင်း၊ လက်နက်/ခဲယမ်းနှင့် ဖောက်ခွဲရေးပစ္စည်းများအား ထောက်ပံ့ကူညီခြင်း၊ ရောင်းချပေးခြင်းများ ဆောင်ရွက် လျက်ရှိကြောင်း၊ ယင်းသို့ဆောင်ရွက်ခြင်းဖြင့် အကြမ်းဖက်အဖွဲ့များနှင့် လက်နက်ကိုင်သောင်းကျန်းသူများမှ အစိုးရယန္တရားများ ပျက်ပြားစေရန်ရည်ရွယ်၍ နိုင်ငံ့ဝန်ထမ်းများ အပါအဝင် ပြည်သူများအား လုပ်ကြံသတ်ဖြတ်ခြင်း၊ အများပြည်သူပိုင် လမ်း၊ တံတား၊ အဆောက်အဦများ အား ဖောက်ခွဲဖျက်ဆီးခြင်းများ ဆောင်ရွက်ရာတွင် အားပေးကူညီလျက်ရှိသည်ကို ဖော်ထုတ်တွေ့ရှိရကြောင်း နစက မှ ထုတ်ပြန်သည်။