မန်စီးတီးအသင်း၏ ဒုတိယဂိုးသမားအဖြစ် ရပ်တည်နေရသော ဂျာမန်ဂိုးသမား အော်တေဂါက လာမည့်ရာသီတွင် နံပါတ်(၁)ဂိုးသမားဖြစ်လာရန် မျှော်လင့်နေကြောင်း သိရသည်။
အော်တေဂါ(၃၁ နှစ်)သည် ပြီးခဲ့သည့်ရာသီတွင် ဘရာဇီးလ်ဂိုးသမား အီဒါဆန် ဒဏ်ရာပြဿနာနှင့် ကြုံတွေ့ခဲ့ရချိန်၌ လက်စွမ်းပြနိုင်ခဲ့သူဖြစ်သည်။
လက်ရှိအချိန်၌ မန်စီးတီးနံပါတ် (၁) ဂိုးသမား အီဒါဆန်မှာ ဆော်ဒီလိဂ်သို့ ပြောင်းရွှေ့ဖွယ်ရှိကြောင်း သတင်းထွက်နေသည်။
ထို့ကြောင့် အော်တေဂါက မန်စီးတီးအသင်း၏ နံပါတ်(၁)ဂိုးသမား ဖြစ်လာရန် မျှော်လင့်နေခြင်းဖြစ်ကြောင်း သိရသည်။
