■
လူမှုကွန်ရက်တွင် ထွက်ပေါ်လာသည့် အသံဖိုင်နှင့်ပတ်သက်ပြီး မအေးသောင်း အပါအဝင် နစ်နာသူများကို အဆိုတော် အောင်လက တောင်းပန်ကြောင်း ဧပြီ ၁၂ ရက်ထုတ် နိုင်ငံပိုင် သတင်းစာများတွင် ဖော်ပြထားသည်။
လူမှုကွန်ရက်စာမျက်နှာများတွင် ပျံ့နှံ့နေသောအသံဖိုင်နှင့် ပတ်သက်ပြီး ပြန်လည်ဖြေရှင်းချက်ဟုဆိုကာ အဆိုတော်အောင်လ က ကြေညာထားခြင်းဖြစ်သည်။
အသံဖိုင်ကြောင့် မရည်ရွယ်ဘဲ မအေးသောင်းအပါအဝင် ထိခိုက် နစ်နာစေခဲ့သည့် ကာယကံရှင်များအား လေးစားစွာအနူးအညွတ် တောင်းပန်အပ်ကြောင်း၊ အဆိုပါကာယကံရှင်များနှင့် ပတ်သက်၍ ပျံ့နှံ့နေသောအသံဖိုင်အတွင်း၌ ဖော်ပြထားသကဲ့သို့ ဆက်ဆံရေးမရှိ ခဲ့သည့်အပြင် လူမှုရေး၊ စီးပွားရေးအဆက်အသွယ်မရှိသည်မှာလည်း ယနေ့ထိတိုင်ဖြစ်သည်ဟု အဆိုတော်အောင်လက ထည့်သွင်းကြေညာထားသည်။
ယင်းကြောင့် ကာယကံရှင်မိတ်ဆွေတို့အား ထိခိုက်နစ်နာစေခဲ့သည့် အတွက် ခွင့်လွှတ်ပေးပါရန် အနူးအညွတ်တောင်းပန်အပ်ပါသည်ဟု အောင်လက ကြေညာထားသည်။
