ဒီရာသီ အင်္ဂလန်ကြယ်ပွင့်ကွင်းလယ်တိုက် စစ်ကစားသမားတွေရဲ့ စွမ်းဆောင်ရည်မှတ်တမ်း ကိန်းဂဏန်းတွေနဲ့ပတ်သက်ပြီး ပရီးမီးယားလိဂ်နဲ့ အင်္ဂလန်လက်ရွေးစင်အသင်း ပရိသတ်တွေအကြား ဆွေးနွေးငြင်းခုန်စရာအကြောင်းအရာတွေ၊ မျှော်လင့်ချက်အသစ်တွေဖြစ်တည်လာခဲ့တယ်။ အထူးသဖြင့် ဒီရာသီဥရောပထိပ်တန်းလိဂ် (၅)ခု ရဲ့ စွမ်းဆောင်ရည်အကောင်းဆုံး အသက် (၂၁)နှစ်အောက်ကစားသမားစာရင်းကိုချရေးခိုင်းရင် ထိပ်ဆုံး (၃)ဦးထဲရှိနေမယ့် ဘယ်လင်ဟမ်၊ ပါလ်မာတို့ရဲ့ အံ့မခန်းခြေစွမ်းပြမှုတွေ၊ အာဆင်နယ်ကိုဦး ဆောင်ပြနေတဲ့ ဒက်ကလန်ရိုက်၊ မန်စီးတီးနဲ့အတူ ကမ္ဘာ့အဆင့်ဆီတဖြည်းဖြည်းတက်လှမ်းလာခဲ့တဲ့ဖိုဒန်တို့ရဲ့ အရည်အသွေးတွေက အင်္ဂလန် လက်ရွေးစင်အသင်းရဲ့ အနာဂတ်ကွင်းလယ်ကို တစ်ခေတ်ဆန်းစေတော့မှာလည်းဆိုတဲ့ မေးခွန်းပါပဲ။