ဒီရာသီ ချန်ပီယံလိဂ်ရှုံးထွက်(၁၆)သင်းအဆင့်ပွဲစဉ်တွေထဲမှာ အင်အားချင်းအညီမျှဆုံး၊ အကြိတ်အနယ်အရှိနိုင်ဆုံးလို့ သတ်မှတ်ရမယ့်ပွဲစဉ်တွေက နာပိုလီနဲ့ ဘာစီလိုနာ၊ အင်တာမီလန်နဲ့ အက်သလက်တီကိုတို့ရဲ့ ဆုံတွေ့မှုတွေပါပဲ။ တခြားပွဲတွေက အသင်းကြီးနဲ့ အသင်းငယ်၊ ရေပန်းစားတဲ့အသင်းနဲ့ အောက်အသင်းဆုံတွေ့မှုတွေမျိုး ဖြစ်ခဲ့တာကြောင့်ပါ။ ပြီးခဲ့တဲ့တစ်ပတ် ယှဉ်ပြိုင်ကစားခဲ့တဲ့(၄)ပွဲမှာ လာဇီယိုက ဘိုင်ယန်မြူးနစ်ကို အနိုင်ယူခဲ့သလိုမျိုး မထင်မှတ်တဲ့ရလဒ် ထွက်ပေါ် မှုရှိခဲ့ပေမဲ့ ကျန်ပွဲတွေမှာတော့ အသင်းကြီးတွေပဲ အနိုင်ရခဲ့ပါတယ်။