ဒီဇင်ဘာလကတည်းက အုပ်စုပွဲစဉ်တွေအပြီးမှာ ရပ်နားထားခဲ့တဲ့ ချန်ပီယံလိဂ်ပြိုင်ပွဲကတော့ အခုတစ်ပတ် ပြန်လည်စတင်ပါပြီ။ ရှုံးထွက်(၁၆) သင်းအဆင့်ကို ရောက်ရှိလာပြီဖြစ်တာကြောင့် ခရီးတစ်ဝက်ကျိုးပြီလို့လည်း ဆိုနိုင်ပါတယ်။ အုပ်စုအဆင့်မှာ အိမ်ကွင်းအဝေးကွင်း စုစုပေါင်း(၆)ပွဲ ယှဉ်ပြိုင်ကစားခဲ့ရပြီး လာမယ့်ရှုံးထွက်အဆင့်တွေမှာတော့ ဗိုလ်လုပွဲရောက်တဲ့အထိ စုစုပေါင်း(၇)ပွဲသာ ယှဉ်ပြိုင်ရတော့မှာပါ။ ၂၀၂၃-၂၄ ရာသီ ချန်ပီယံလိဂ်ပြိုင်ပွဲရဲ့ နောက်ဆုံးဗိုလ်လုပွဲကို လန်ဒန်မြို့ က ဝင်ဘလေကွင်းမှာ ကျင်းပသွားမှာပါ။