မုဒုံမြို့၊ မြို့မ (၂) ရပ်ကွက် ကွမ်တုံကွင်း တွင် နိုဝင်ဘာလ ၂၄ ရက် နံနက်ပိုင်းက ထော်လာဂျီယာဉ်ပေါ်မှ ကလေးငယ်တစ်ဦး ပြုတ်ကျကာ ဘီးဖြင့်ကြိတ်မိပြီး သေဆုံးမှုဖြစ် ပွားခဲ့ကြောင်း သတင်းရရှိသည်။
ဖြစ်စဉ်မှာ အဆိုပါ မုဒုံမြို့၊ မြို့မ (၂) ရပ် ကွက်၊ ကွမ်တုံကွင်းတွင် မြေညှိသည့် လုပ်ငန်း လုပ်ဆောင်နေသည့်အတွက် ထော်လာဂျီ ယာဉ်ဖြင့် မြေကြီးများသယ်ဆောင်လာစဉ် ယာဉ်ပေါ်လိုက်ပါလာသည့် အသက် (၉) နှစ် အရွယ် မောင်အောင်သူရလင်းအောင်မှာ ယာဉ်ပေါ်မှပြုတ်ကျသွားပြီးနောက် ထော် လာဂျီယာဉ်၏ ဘယ်ဘက် နောက်ဘီးနှင့် ကြိတ်မိခဲ့ခြင်းဖြစ်ကြောင်း လုံခြုံရေးတပ်ဖွဲ့ နှင့် နီးစပ်သူတစ်ဦးက ပြောကြားသည်။
၎င်းကဆက်လက်ပြီး “ကလေးကို ဆေး ရု ံတင်ဖို့ခေါ်ဆောင်လာတဲ့အချိန်မှာ လမ်း မှာပဲ သေဆုံးသွားတာလို့ သိရပါတယ်” ဟု ပြောကြားသည်။
ထိုဖြစ်စဉ်နှင့် ပတ်သက်ပြီး ထော်လာဂျီ ယာဉ်မောင်းဖြစ်သူ မောင်ငယ် (၃၈) နှစ် အား မုဒုံမြို့မရဲစခန်းတွင် ယာဉ် (ပ) ၄၁/၂၀၂၃ ရာဇသတ်ကြီးဥပဒေပုဒ်မ - ၃၀၄ - က ဖြင့် အမှုဖွင့်အရေးယူထားကြောင်း သတင်းရရှိ သည်။
