မြန်မာလုပ်သား သိန်းနှင့်ချီ​နေထိုင် အလုပ်လုပ်ကိုင်​နေ​သော ထိုင်းနိုင်ငံ၊ စမွတ် စခေါင်ပြည်နယ်၊ (မဟာချိုင်)ထစိုင်ရပ်တွင် စက်တင်ဘာ ၆ ရက်​ နံနက်ပိုင်းက  မြန်မာ အချင်းချင်း မာဖီးယားဂိုဏ်းဆန်ဆန် ​သေနတ် ပစ်​ဖောက် ခြိမ်း​ခြောက်မှု​ဖြစ်ပွားခဲ့ကြောင်း သိရသည်။

ဖြစ်စဉ်မှာ မြန်မာလုပ်သားများ ​နေထိုင်​သော အဆောင်ရှေ့သို့  သေနတ်ကိုင်​ဆောင်သူ ရောက်လာပြီးနောက် သေနတ်ပစ်ဖောက် ခြိမ်းခြောက်​ကြောင်း၊ အတူလိုက်ပါလာသော အခြားသူငယ်ချင်းဖြစ်သူကလည်း အော်ဟစ်ဆဲဆိုခြင်း​ကြောင့် ခြိမ်း​ခြောက်ခံရသူ မြန်မာလုပ်သားမှာ အသိမိတ်​ဆွေ၏အဆောင်ထဲသို့  ဝင်ရောက်ပုန်းခိုခဲ့ရကြောင်း၊ အဆောင် ပိုင်ရှင်ဖြစ်သူက စမွတ်စခေါင်ရဲစခန်းသို့ အ ကြောင်းကြားခဲ့ရပြီး အဆောင်ရှိ မှန်နှင့် တံခါးအချို့ သေနတ်ထိမှန်ကာ ကွဲအက် သွားကြောင်း၊ တာဝန်ရှိရဲတပ်ဖွဲ့ဝင်များက လာ​ရောက်စစ်​ဆေးပြီး မြန်မာသေနတ် သမားအဖွဲ့အား လိုက်လံဖမ်းဆီးတရားစွဲဆို မှု လုပ်ဆောင်သွားမည်ဖြစ်​ကြောင်း သိရ သည်။

“ဒီဖြစ်စဉ်က ဘန်​ကောက်မြို့အနီး မဟာရှိုင်မှာဖြစ်တာပါ။ မြန်မာ​တွေ သိန်းနဲ့ချီ ရှိတဲ့ အဲဒီမြို့မှာ မြန်မာအချင်းချင်း မာဖီး ယားဂိုဏ်းဆန်ဆန် ​သေနတ်ပစ်​ဖောက်ခြိမ်း​ခြောက်ပြီး​​ အော်ဟစ်ဆဲဆို​သောင်းကျန်း တယ်ဆိုတာက မြန်မာနိုင်ငံမှာလည်း မလုပ် သင့်ဘူး။ မိမိက ဧည့်သည်ဖြစ်တယ်၊ ပို တောင်မလုပ်သင့်ဘူး။ သိန်းနဲ့ချီရှိ​နေတဲ့ မြန်မာ​တွေရဲ့မျက်နှာကို​ ထောက်ထားပြီး ပိုလို့​တောင် မလုပ်သင့်ဘူး။ ဒီကာလမှာ နယ်စပ်​တွေဆိုရင် ပြည်တွင်းမှာဖြစ်​နေတဲ့ ဂယက်​ကြောင့်  စစ်​ဆေးဖမ်းဆီးတာ​တွေ ခု​နောက်ပိုင်း လက်နက်ခဲယမ်းတွေ့တယ် ဆိုတဲ့ အကြောင်းမျိုးစုံနဲ့ ငွေညှစ်တာ​တွေ လည်းရှိတယ်။ တနင်္ဂနွေ​နေ​့တွေမှာ လုတာ၊ ခါးပိုက်နှိုက်တာ​တွေလည်းရှိတယ်။ မြန်မာ​တွေ အမျိုးမျိုးခံ​နေရချိန်မှာ ခုလို​ သေနတ်​တွေဘာ​တွေ ပစ်​ဖောက်လောက်​အောင် ကိုယ့်နိုင်ငံမှာ​တောင် မလုပ်သင့်တာ၊ မိမိက ဧည့်သည်ဆိုတာ​ မေ့​လျော့ပြီး ထင်တိုင်းကြဲ နေတာ၊ ရမ်းကားချင်တိုင်း မာဖီးယားဂိုဏ်း ဆန်ဆန် လုပ်​နေတာမျိုးကို ထိုင်းနိုင်ငံရဲ့ လုံခြုံရေးအရ အမျိုးသားကာကွယ်​ရေးက လုံးဝခွင့်လွှတ်မှာမဟုတ်ပါဘူး” ဟု  မြန်မာ ပြည်သားများအ​ရေး ပူးတွဲလှုပ်ရှားမှု​ကော် မတီ (JACBA) ဥက္ကဋ္ဌ ဦးမိုးကြိုးက ​ပြော ကြားသည်။