ဖျာပုံမြို့နယ် အမှတ်(၉)ရပ်ကွက် အုပ်ချုပ်ရေးမှူးရုံး မီးပုလင်းဖြင့် ပစ်ပေါက်ခံရပြီး မီးလောင်မှုဖြစ်ပွား
ဧရာဝတီတိုင်းဒေသကြီး ဖျာပုံမြို့နယ် အမှတ်(၉)ရပ်ကွက် အုပ်ချုပ်ရေးမှူးရုံး ဇန်နဝါရီ ၂၈ ရက်က မီးပုလင်းဖြင့် ပစ်ပေါက်ခံရပြီး မီးလောင်မှုဖြစ်ပွားခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်သည်။
ဇန်နဝါရီ ၂၈ ရက် ည ၆ နာရီခွဲတွင် ဖျာပုံမြို့နယ်၊ အမှတ်(၉) ရပ်ကွက်၊ မဟာဗန္ဓုလမ်းနှင့်(၈)လမ်းထောင့်ရှိ ရပ်ကွက်အုပ်ချုပ်ရေးမှူးရုံးသို့ လူတစ်ဦးက မီးပုလင်းတစ်လုံးဖြင့် ပစ်ပေါက်ထွက်ပြေးခဲ့သဖြင့် ရုံးအတွင်း သို့ကျရောက်လောင်ကျွမ်းခဲ့ပြီး လုံခြုံရးတပ်ဖွဲ့ဝင်များပါဝင်သော ပူးပေါင်းအဖွဲ့က ၀ိုင်းဝန်းမီးငြိှမ်းသတ်ခဲ့ပြီး မီးလောင်မှုကြောင့် ရုံးရှိ ပလတ်စတစ်ထိုင်ခုံအဟောင်း နှစ်လုံး မီးလောင်ပျက်စီးဆုံးရှုံးခဲ့ကြောင်း သိရသည်။
အထက်ပါဖြစ်စဉ်မှ ကျူးလွန်ခဲ့သူအား ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သိရသည်။
