စစ်ကိုင်းတိုင်း​ဒေသကြီး၊ မုံရွာမြို့ မြဝတီရပ်ကွက်ရှိ ဖုန်းနှင့်ဆိုင်ကယ်​ရောင်းဝယ်​ရေးဆိုင်တစ်ဆိုင်အား ဇူလိုင် ၂၃ ရက် နံနက်ပိုင်းက အိမ်စီးကားတစ်စီးဖြင့်​ လူတစ်စု ရောက်ရှိလာခဲ့ပြီး​နောက် ဆိုင်အတွင်း​သေနတ်ပြခြိမ်း​ခြောက်ကာ ဖုန်းနှင့်ဆိုင်ကယ်များ လုယက်ယူ​ဆောင်သွားခဲ့​ကြောင်း မုံရွာ မြို့ခံများထံမှ စုံစမ်းသိရသည်။

မုံရွာမြို့ မြဝတီရပ်ကွက်၊ သစ္စာလမ်းနှင့် လမ်းသွယ်(၂)ကြားရှိ "အ​ဆွေ​တော်" အာမခံ(Second) ဆိုင်ကယ်နှင့်ဖုန်းမျိုးစုံ အလဲ/အထပ် ​ရောင်းဝယ်​ရေးဆိုင်တွင် ဇူလိုင် ၂၃ ရက် နံနက် ၉ နာရီ​ကျော်ခန့်က အိမ်စီးကားတစ်စီးဖြင့် အမည်မသိ လူ ၁၀ ဦးခန့်(စိစစ်ဆဲ)​ရောက်ရှိလာခဲ့ပြီး​နောက် ဆိုင်အတွင်းသို့ဝင်​ရောက်ကာ ဆိုင်ရှိဝန်ထမ်းများအား ​သေနတ်ပြခြိမ်း​ခြောက်၍ ဖုန်းအလုံး​ရေ ၁၀၀ ​ကျော်ခန့်နှင့် ဆိုင်ကယ် ရှစ်စီးအား လုယက်ယူ​ဆောင်သွားခဲ့​ကြောင်း ​ဒေသခံများထံမှ စုံစမ်းသိရသည်။

"ဆိုင်ထဲကိုဝင်လာတဲ့အချိန်မှာ ​စျေးဝယ်မယ့်သူပုံစံနဲ့​ရောက်လာပြီး​တော့ ​သေနတ်ထုတ်ပြီး လုယက်မှ ဓါးပြတိုက်ပြီဆိုတာ သိလိုက်ရတာတဲ့။ ​သေနတ်ပြပြီး ဓါးပြတိုက်လုယက်သွားတာက ဖုန်းအလုံး ၁၀၀ ​လောက်နဲ့ ဆိုင်ကယ်ရှစ်စီး ပါသွားတယ်လို့ကြားရတယ်"ဟု မုံရွာမြို့ခံတစ်ဦးက ​ပြောသည်။

အဆိုပါ ​သေနတ်ပြဓါးပြတိုက် လုယက်မှုဖြစ်ပွားခဲ့ရာ​နေရာသို့ လုံခြုံ​ရေး တပ်ဖွဲ့ဝင်များက လာ​ရောက်စစ်​ဆေးမှုများပြုလုပ်ခဲ့ကြပြီး ကျူးလွန်သူများအား ဖမ်းဆီးရမိ​ရေး​ ဆောင်ရွက်ရှိ​ကြောင်း စုံစမ်းသိရသည်။

​ဇူလိုင် ၂၂ ရက် နံနက်အစောပိုင်းကလည်း ရန်ကုန်မြို့ မင်္ဂလာတောင်ညွန့်မြို့နယ် သိမ်ဖြူလမ်းတွင် ဖွင့်ထားသည့် ဖုန်းအရောင်းဆိုင်တစ်ဆိုင်မှ သိန်း ၆၀၀ ဝန်းကျင်တန်ဖိုးရှိ ဖုန်းအလုံးရေ ၈၈လုံး အခိုးခံရမှု  ဖြစ်ပွားခဲ့ကြောင်း သိရသည်။