■ ဘရာဇီးလ် နှင့် ကိုလံဘီယာ (မြန်မာစံတော်ချိန် သောကြာနံနက် ရးဝ၀ နာရီ)
ဘရာဇီးလ်အသင်းမှာ ပြီးခဲ့တဲ့လက ခြေစစ်ပွဲကစားခဲ့တဲ့ လူစာရင်းကို အနည်းငယ်အပြောင်းအလဲပြုလုပ်ထားပြီး ထူးခြားတာကတော့ လက်ရွေးစင်အသင်းနဲ့ တစ်နှစ်ကျော်ကြာကင်းကွာနေတဲ့ ဘာစီလိုနာအသင်းက ကော်တင်ဟိုကို ပြန်လည်ရွေးချယ်ထားတာဖြစ်တယ်။ နည်းပြ ထိထီရဲ့ ၄-၂-၃-၁ ကစားကွက်မှာ ဗင်နီစီယပ်စ်၊ ကော်တင်ဟိုတို့ကို ပွဲထွက်ခွင့်ပေးဖို့တော့ ရာခိုင်နှုန်းနည်းပါတယ်။ ကိုလံဘီယာအသင်းမှာလည်း အသင်းနဲ့တစ်နှစ်နီးပါးကင်းကွာနေတဲ့ ဟာမီးစ်ရိုဒရီဂွက်ဇ်ကို ပြန်လည်ခေါ် ယူထားတယ်။ ပြီးခဲ့တဲ့(၃)ပွဲဆက် ဂိုးပေါက်ပျောက်နေတဲ့ ကိုလံဘီယာအသင်းတိုက်စစ်ကို နည်းပြ ရူဒါက မလွဲမသွေ အပြောင်းအလဲပြုလုပ်ရတော့မှာဖြစ်ပြီး တောက်လျှောက်သုံးနေတဲ့ ၄-၄-၂၊ ၄-၄-၁-၁ တွေအစား ၄-၂-၃-၁ ကစားကွက်ကို ပြောင်းလဲ အသုံးပြုတာတွေ ရှိလာနိုင်တယ်။ ဟာမီးစ်ရိုဒရီဂွက်ဇ်က နည်းပြ ရူဒါအတွက် ဝှက်ဖဲဖြစ်လာနိုင်ပြီး လက်ရွေးစင်အသင်းနဲ့ ကာလအတန်ကြာ ကင်းကွာနေပေမဲ့လည်း အခုပွဲမှာ ပွဲထွက်ကစားသမားအဖြစ် အသုံးပြုဖို့များတယ်။ အနိုင်ရရုံနဲ့ ခြေစစ်ပွဲအောင်မယ့် ဘရာဇီးလ်ဘက်ကပဲ ရပ်တည်သင့်တယ်။
■ အီကွေဒေါ နှင့် ဗင်နီဇွဲလား (မြန်မာစံတော်ချိန် သောကြာနံနက် ၃း၃၀ နာရီ)
ပြီးခဲ့တဲ့လက ထိပ်သီး(၄)သင်းတွေ့ဆုံမှုကို အီကွေဒေါအသင်း အခွင့်အရေးမယူနိုင်ခဲ့ဘူး။ အခုတစ်ကြိမ်တော့ အီကွေဒေါအသင်း အမိအရဆုပ်ကိုင်နိုင်ဖို့ ကြိုးစားမှာ သေချာပါတယ်။ ဗင်နီဇွဲလားရဲ့လက်ရှိခြေစွမ်းကြောင့် အီကွေဒေါကိုပဲ ရွေးချယ်ချင်တယ်။
■ ပီရူး နှင့် ဘိုလစ်ဗီးယား (မြန်မာစံတော်ချိန် သောကြာနံနက် ၈း၃၀ နာရီ)
ဘိုလစ်ဗီးယားအသင်းက ခြေစစ်ပွဲ(၂)ပွဲဆက် အနိုင်ကစားခဲ့ပြီးနောက် မျှော်လင့်ချက် ပြန်ရှင်သန်လာတယ်။ ပီရူးအသင်းကတော့ ခြေစစ်ပွဲအိမ်ကွင်း(၃)ပွဲဆက် ရှုံးပွဲမရှိကစားထားနိုင်တာကို ထည့်တွက်ရမှာပါ။ ပီရူးအသင်း ဂိုးပြတ်၊ မပြတ်ပဲ ကြည့်ရလိမ့်မယ်ထင်တယ်။
■ ပါရာဂွေး နှင့် ချီလီ (မြန်မာစံတော်ချိန် သောကြာနံနက် ၅း၃၀ နာရီ)
ပါရာဂွေးအသင်းက ခြေစစ်ပွဲနောက်ဆုံး(၁၀)ပွဲမှာ (၁)ပွဲ သာ အနိုင်ရတော့တဲ့အထိ အခြေအနေဆိုးနေပြီး အသင်းတိုက်စစ်မှာ အယ်လ်မီရွန်၊ ဆာရာဘီယာ၊ ရိုမဲရိုးတို့ရှိပေမဲ့ နောက်ပိုင်းပွဲတွေမှာ ဂိုးပေါက်ပျောက်နေတာ စိတ်ပျက်စရာပါပဲ။ ချီလီအသင်းက ခြေစစ်ပွဲနောက်ဆုံး(၂)ပွဲဆက် အနိုင်ကစားထားသလို၊ ဆန်းချက်ဇ်ပြန်ပါလာတဲ့ တိုက်စစ်ကလည်း ပိုအားကောင်းလာနိုင်တယ်။ ချီလီ အမှတ်ရလိမ့်မယ်။
