ဘာစီလိုနာအသင်းဘုတ်အဖွဲ့သည် နည်းပြ ရော်နယ်လ်ကိုးမန်းအား ရာထူးမှ ထုတ်ပယ်ရန် အသင်းဥက္ကဋ္ဌ လာပေါ်တာကို ဖိအားပေးနေကြောင်း AS သတင်းစာက ဖော်ပြခဲ့သည်။
ဘာစီလိုနာအသင်းသည် ရော်နယ်လ်ကိုးမန်းကို ၂၀၂၂ ခုနှစ်အထိ စာချုပ်ချုပ်ဆိုထားသော်လည်း ဘဏ္ဍာရေးအခြေအနေကြောင့်သာ နည်းပြအဖြစ် ဆက်လက်ခန့်အပ်ထားခြင်းဖြစ်ပြီး ယခုနှစ် ရာသီသစ်မစတင်မီကတည်းက အပြောင်းအလဲပြုလုပ်ရန် လိုလားခဲ့ကြောင်းလည်း သိရသည်။
ယခုအခါ ချန်ပီယံလိဂ်အုပ်စုအဖွင့်ပွဲ၌ ဘိုင်ယန်မြူးနစ်အသင်းကို အိမ်ကွင်းတွင် ဂိုးပြတ်ရှုံးနိမ့်ခဲ့ပြီးနောက် ဘာစီလိုနာအသင်းဘုတ်အဖွဲ့သည် ကြာသပတေးနေ့က ရော်နယ်လ်ကိုးမန်း၏ အနာဂတ်အတွက် ဆွေးနွေးခဲ့ကြကြောင်း သိရသည်။
ထို့နောက် ရော်နယ်လ်ကိုးမန်းအား ရာထူးမှ ထုတ်ပယ်ရန်အတွက် လာပေါ်တာကို ဖိအားပေးခဲ့ကြပြီး ၎င်းတို့က လက်ရှိဘာစီလိုနာအရန်အသင်းနည်းပြအဖြစ် ဆောင်ရွက်နေသည့် ဆာဂျီဘာဟွမ်ကို အစားထိုးရန်ဆန္ဒ ရှိနေကြောင်းလည်း AS က ဖော်ပြခဲ့သည်။
ဘာစီလိုနာအသင်း၏ ပရိသတ်များကလည်း ရော်နယ်လ်ကိုးမန်းကို ရာထူးမှ ထုတ်ပယ်ရန် လိုလားနေကြောင်း သိရသည်။
