စပါးအသင်းတွင် ကစားသမားဘဝမှ အနားယူသည့်အချိန်အထိ ကစားသွားလိုသည်ဟု မန်စီးတီးအသင်းနှင့်ပွဲတွင် အနိုင်ဂိုးသွင်းပေးခဲ့သူ စပါးတိုက်စစ်မှူး ဆွန်ဟောင်မင်က ပွဲအပြီးတွင် ပြောကြားခဲ့သည်။
Sky Sports ရုပ်သံက ပွဲအပြီးတွင် စပါးအသင်း၌ ဆယ်စုနှစ်တစ်ခုကြာ ကစားသွားရန်ရှိသလားဟု မေးမြန်းရာတွင် ဆွန်ဟောင်မင်က ''ဟုတ်ပါတယ်။ နောက်ထပ်(၄)နှစ် နေနိုင်ပါတယ်။ ဒါပေမဲ့ ဘောလုံးမှာ ဘာကတိမှ ပေးလို့မရပါဘူး။ စောင့်ကြည့်ကြပါ။ ဘာကြောင့် ကျွန်တော် စာချုပ်သစ် လက်မှတ်ရေးထိုးထားသလဲဆိုတော့ ဒီအသင်းကနေ အခြားတစ်နေရာဆီ မပြောင်းရွှေ့ချင်တော့ပါဘူး။ ဒီအသင်းမှာ ကျွန်တော် (၁၀)နှစ် သို့မဟုတ် (၁၀)နှစ်ထက်လည်း ပိုကြာနိုင်ပါတယ်။ အနာဂတ်မှာ ဘာတွေဖြစ်လာမလဲဆိုတာ ဘယ်သူမှမသိပါဘူး''ဟု ပြောကြားခဲ့သည်။
အသက်(၂၉)နှစ် အရွယ်ရှိ ဆွန်ဟောင်မင်သည် မကြာသေးမီကမှ စပါးအသင်းနှင့် ၂၀၂၅ ခုနှစ်အထိ သက်တမ်တိုးစာချုပ် ချုပ်ဆိုထားခဲ့သည်။
ဆွန်ဟောင်မင်သည် မန်စီးတီးနှင့်တွေ့ဆုံမှုများတွင် ပြိုင်ပွဲစုံ (၇)ဂိုးအထိ သွင်းယူထားနိုင်ပြီး မန်စီးတီးထက် ၎င်းဂိုးပိုသွင်းနိုင်သည့်အသင်းမှာ ဆောက်သမ်တန်(၁၁ ဂိုး)အသင်း ဖြစ်သည်။
ဂွါဒီယိုလာ၏ မန်စီးတီးဘက်သို့ ဆွန်ဟောင်မင်ထက် ပြိုင်ပွဲစုံ ဂိုးပိုသွင်းနိုင်သူမှာ လက်စတာတိုက်စစ်မှူး ဗာဒီ တစ်ဦးတည်းသာရှိပြီး (၉) ဂိုးအထိ သွင်းယူထားနိုင်ခဲ့သည်။
