လက်စတာအသင်းသည် King Power ကွင်းကို ပရိသတ်(၄၀၀၀၀)ဝင်ဆံ့သည့်ကွင်းအဖြစ် တိုးချဲ့တည်ဆောက်ရန်စီစဉ်နေကြောင်း သိရသည်။
လက်ရှိကွင်းမှာ ပရိသတ်(၃၂၀၀၀) ကျော်ဝင်ဆံ့ပြီး အရှေ့ဘက်ပွဲကြည့်စင်၌ ထိုင်ခုံအရေအတွက်(၈၀၀၀) ထပ်မံထည့်သွင်းတည် ဆောက်ရန် စီစဉ်နေခြင်းဖြစ်သည်။
ထို့ပြင် ကွင်းနံဘေး၌ ဟိုတယ်အခန်း (၂၂၀)ပါဝင်သည့် အဆောက်အဦသစ် ဆောက်လုပ်သွားရန်လည်း စီစဉ်ထားသည်။
လက်စတာအသင်းက ယခုစီမံကိန်းသည် လူ(၁၀၀၀)အတွက် အလုပ်အကိုင်သစ် ဖန်တီးပေးနိုင်မည်ဖြစ်ကြောင်းလည်း ကြေညာချက်တွင် ဖော်ပြခဲ့သည်။