ရစ်ချာလီဆန်ရဲ့ အတိတ်ထဲက အရိပ်

Photos: Getty Images & AFP

Published 14 July 2021

အသက် (၁၁)နှစ်အရွယ်မှာ ကျွန်တော်က မိသားစုစားဝတ်နေရေးအတွက် အကူအညီ ခပ်သေးသေးဝင်ထမ်းပေးခဲ့ပါတယ်။ ရေခဲချောင်းနဲ့ ရေခဲထုပ်ရောင်းရင်း ကျွန်တော်ဟာ မိသားစုအတွက် ဝင်ငွေရှာပေးခဲ့ပါတယ်။ ကျွန်တော့်အဘိုးက ရေခဲချောင်းနဲ့ရေခဲထုပ်ရောင်းလာတာ နှစ်ကာလများစွာ ကြာမြင့်နေပါပြီ။ အစောပိုင်းမှာ သူတစ်ယောက်တည်း ရောင်းခဲ့ပေမဲ့ ကျွန်တော်တို့ညီအစ်ကိုတွေ ဆယ်ကျော်သက်အရွယ်ရောက်လာတဲ့အခါ သူ့ရဲ့အသေးစား စီးပွားရေးကို မျှဝေကူညီခဲ့တာပါပဲ။ မနက် (၆)နာရီလောက် အိပ်ယာထ၊ အဘိုးဆီကနေ ရေခဲချောင်းနဲ့ ရေခဲထုပ်တွေယူ၊ ပြီးရင် မြို့ထဲကို သွားပြီး "ရေခဲချောင်းတွေ၊ ရေခဲထုပ်တွေ၊ ရေခဲချောင်းရမယ်၊ ရေခဲထုပ်ရမယ်"ဆိုပြီး ကျွန်တော် အော်ရောင်းရတာပါပဲ။