မြွေအကောင်ရေ ၃၀၀ ကျော် ဖမ်းဆီးခဲ့သူ ရန်ကုန်မြို့က မြွေဖမ်းသမား
မီးသတ်တပ်ကြပ်ကြီး ကိုတိုးအောင်ကို ၎င်းဖမ်းဆီးထားသော မြွေနှင့်အတူ တွေ့ရစဉ်
မြွေက တစ်ကောင်တည်း မဟုတ်ဘူး။ နှစ်ကောင်ပေါ့။ ပထမတစ်ကောင်ကိုဖမ်းဖို့ ကြိုးစားနေတဲ့အချိန်မှာ နောက်တစ်ကောင်က ခေါင်းပေါ်ကနေ ကျွန်တော့် ဦးထုပ်ကို ကိုက်တယ်။ အဲဒါကို ကျွန်တော်နဲ့ပါလာတဲ့ ညီတစ်ယောက်က ခေါင်းပေါ်မှာ မြွေတစ်ကောင် ရောက်နေတယ်ပြောမှ ကျွန်တော်က မြွေနှစ်ကောင်မှန်းသိတယ်။ အဲဒီမြွေနှစ်ကောင်စလုံးကို အရှင်ဖမ်းမိပြီးတော့ BPI ဆေးဝါးထုတ်လုပ်ရေးကို သွားပို့ခဲ့ပါတယ်။ အဲဒီကနေစပြီး ကျွန်တော် မြွေဖမ်းခဲ့တာပါ”
မြွေတွေကို ဖမ်းဆီးတဲ့နေရာမှာ အန္တရာယ်ပြန်ပြုတာတွေရှိတဲ့အတွက် ထိခိုက်ဒဏ်ရာရခဲ့တာတွေ ရှိပါတယ်။ အဆိပ်ပြင်းတဲ့ မြွေတွေကို ဖမ်းဆီးရာမှာတော့ အသက်အန္တရာယ်ရှိလာနိုင်တာဖြစ်လို့ ကြိုတင်ကာကွယ်တဲ့အနေနဲ့ မြွေဆေးပေါက်ထားတယ်လို့ ကိုတိုးအောင်က ဆိုပါတယ်။
