ဝုလ်ဖ်ဘတ် နှင့် ဟော်ဖန်ဟင်မ် (၈-၁၁-၂၀၂၀ ည ၉:၀၀ နာရီ)
ဝုလ်ဖ်ဘတ်အသင်းက ရာသီအဖွင့်(၆)ပွဲမှာ (၅)ပွဲအထိ အမှတ်ခွဲယူခဲ့ရပြီး သရေပွဲတွေနဲ့ ပျော်မွေ့နေတုန်းပဲ။ ဟော်ဖန်ဟင်မ်က (၄)ပွဲဆက်နိုင်ပွဲပျောက်ထားပေမဲ့ ဒီပွဲတော့ အမှတ်မျှော်လင့်ခွင့်ရှိတယ်။
လေဗာကူဆင် နှင့် မိုချန်ဂလာဘတ် (၈-၁၁-၂၀၂၀ ည ၁၁:၃၀ နာရီ)
လတ်တလော ရလဒ်ကောင်းနေတဲ့ အသင်း(၂)သင်းတွေ့ဆုံကြတာဖြစ်လို့ ဆွဲဆောင်မှုတော့ရှိနေတယ်။ လေဗာကူဆင်တိုက်စစ်ရဲ့ No.9 Role ကို အလာရီယိုက သွင်းဂိုးတွေနဲ့ သက်သေပြပြီး အပိုင်ရယူထားလိုက်နိုင်ပြီ။ လေဗာကူဆင်က ဒီနေရာသာမကဘဲ ရှေ့၊ လယ်၊ နောက် နေရာစုံမှာ အထိုင်ကျလာပြီး ဂဏန်းငြိမ်နေတာတွေ့ရတယ်။ မိုချန်ဂလာဘတ်ကတော့ ပြိုင်ပွဲစုံ(၈)ပွဲဆက် ရှုံးပွဲမရှိကစားထားရာမှာ အင်တာ၊ ရီးယဲလ်နဲ့ လိုက်ပ်ဇစ်တို့လိုအသင်းတွေနဲ့ ရင်ဆိုင်ခဲ့ရတာကိုတော့ ထည့်တွက်ရမယ်ထင်တယ်။ မိုချန်ဂလာဘတ်ကိုပဲ ရွေးချင်တယ်။
