အိုင်ယာလန် - ဝေးလ်စ် (တနင်္ဂနွေည ရး၃၀ နာရီ)

အိမ်နီးချင်းနိုင်ငံတွေဖြစ်ပြီး ပြိုင်ဆိုင်မှု ပြင်းထန်တဲ့ အသင်းတွေဖြစ်တယ်။ ဒါဘီပွဲလိုပဲ။ ဝေးလ်စ်က အရင်က ဗြိတိန်ကျွန်းစုမှာ အားအနည်းဆုံးဖြစ်ခဲ့ပေမယ့် အခုအချိန်မှာတော့ အင်္ဂလန်ပြီးရင် အားအကောင်းဆုံးဖြစ်နေပြီ။ ခြေမကွာပေမယ့် ဝေးလ်စ်သာပါတယ်။ ဝေးလ်စ်သရေနဲ့ အနိုင်ပဲ။ 

ဘော့စနီးယား - နယ်သာလန် (တနင်္ဂနွေည ၁ဝး၃၀ နာရီ)

နယ်သာလန်က အားအကောင်းဆုံးဖြစ်ခဲ့ပြီးမှ Nations League ခြေစစ်ပွဲတွေမှာ ပြန်ပြီး ကျရိပ်ပြနေတယ်။ အိမ်ကွင်း နှစ်ပွဲမှာ ပိုလန်ကို (၁-၀)နဲ့နိုင်၊ အီတလီကို ရှုံးခဲ့တာက အရမ်း အားကောင်းတဲ့အနေအထားမဟုတ်ဘူး။ တိုက်စစ်ပြဿနာရှိ တယ်။ ဘော့စနီးယားကိုတော့ နိုင်မှာပါ။ 

အင်္ဂလန် - ဘယ်လ်ဂျီယံ (တနင်္ဂနွေည ၁ဝး၃၀ နာရီ)

ဘယ်လ်ဂျီယံက ရှေ့နှစ်ပွဲစလုံးအနိုင်ကစားထားပြီး အင်္ဂလန်က တစ်ပွဲနိုင်၊ တစ်ပွဲသရေကျထားတယ်။ အုပ်စုဗိုလ်နေရာ လုနေတဲ့အသင်းနှစ်သင်းရဲ့ပွဲစဉ်ဖြစ်ပြီး အိမ်ကွင်းမှာ အနိုင်ကစားနိုင်မှ အင်္ဂလန်က အုပ်စုဗိုလ်နေရာကို မျှော်လင့်နိုင်လိမ့်မယ်။ ၂၀၁၈ ကမ္ဘာ့ဖလားက ဒီနှစ်သင်း တစ်အုပ်စုတည်းအတူ ကျခဲ့ဖူးပြီး ဘယ်လ်ဂျီယံက အနိုင်ကစားခဲ့သလို၊ တတိယလုပွဲမှာလည်း အင်္ဂလန်ကို ထပ်ပြီးအနိုင်ယူခဲ့တယ်။ လက်ရှိ အင်္ဂလန်အသင်းက ၂၀၁၈ တုန်းက ခြေစွမ်းကိုမမီဘူး။ ဘယ်လ်ဂျီယံကလည်း အဓိကကစားသမားတွေထဲက တချို့ ခြေကျသွားတယ်။ ဒါပေမဲ့ ရလဒ်ပိုင်းအရဆိုရင်တော့ ဘယ်လ်ဂျီယံက အရင်လို အား ကောင်းနေဆဲဖြစ်ပြီး၊ ကစားသမားကောင်းတွေလည်း ထပ်မံထွက်ပေါ်လာခဲ့တာကို တွေ့ရတယ်။ လက်ရှိ အင်္ဂလန်က ခံစစ် တောင့်တင်းပြီး၊ တိုက်စစ်လည်းကောင်းတယ်။ ဒါပေမဲ့ ကွင်းလယ်က ဘယ်လ်ဂျီယံထက်စာရင်အားပျော့ပါတယ်။ အင်္ဂလန် ကွင်းမှာ ကစားမှာဆိုပေမယ့် ဘယ်လ်ဂျီယံကိုပဲ ကြိုက်တယ်။ 

ခရိုအေးရှား - ဆွီဒင် (တနင်္ဂနွေည ၁ဝး၃၀ နာရီ)

ခရိုအေးရှားနဲ့ ဆွီဒင်က ပေါ်တူဂီ၊ ပြင်သစ်တို့ပါဝင်တဲ့အုပ်စုမှာ နှစ်ပွဲစလုံး ရှုံးပွဲ တွေ့ ထားကြတယ်။ ဆွီဒင်က ဒီအသင်းတွေကို ယှဉ်နိုင်စွမ်းမရှိပေမယ့် ခရိုအေးရှားရဲ့ကျဆင်း သွားပုံက အ့့ံသြစရာကောင်းတယ်။ မိုဒရစ်-ရာကီတစ်ချ်အတွဲက ကျလာတဲ့အချိန်မှာ ကို ဗာချစ်၊ ဘရိုဇိုဗစ်တို့ သိပ်အားကိုးလို့ မရသေးဘူး။ တိုက်စစ်မဆိုးပေမယ့် ခံစစ်အားနည်း တယ်။ ဒီပွဲက ခရိုအေးရှားနိုင်သင့်တဲ့ပွဲပါ။ ဒါပေမဲ့ သရေကျသွားဖို့က ပိုများတယ်။ 

နော်ဝေ - ရိုမေးနီးယား (တနင်္ဂနွေည ၁ဝး၃၀ နာရီ)

သြစတြီးယားကို မထင်မှတ်ဘဲ ရှုံးခဲ့ပေမယ့် မြောက်အိုင် ယာလန်နဲ့ပွဲမှာ ကစားခဲ့တဲ့ နော်ဝေရဲ့ခြေစွမ်းက အားရစရာ ဖြစ် ပြီး၊ ရိုမေးနီးယားထက်လည်း ပိုကောင်းပါတယ်။ ဒီပွဲကိုလည်း နော်ဝေအနိုင်ကစားလိမ့်မယ်။ 

ဖင်လန် - ဘူလ်ဂေးရီးယား (တနင်္ဂနွေည ၁ဝး၃၀ နာရီ)

ဖင်လန်နဲ့ ဘူလ်ဂေးရီးယားက ဝေးလ်စ်၊ အိုင်ယာလန် တို့ထက် အားနည်းပါတယ်။ ဒါပေမဲ့ ဒီနှစ်သင်းရဲ့အနေအထား မှာတော့ ဖင်လန်ကို ပိုအားရတယ်။ ပိုလည်း မာကျောတယ်။ ဖင်လန်ကိုပဲ ကြိုက်ပါတယ်။ 

■ အခြားပွဲစဉ်များ

အာမေးနီးယား - ဂျော်ဂျီယာ (တနင်္ဂနွေည ၁ဝး၃၀ နာရီ)

အက်စ်တိုးနီးယား - မက်ဆီဒိုးနီးယား (တနင်္ဂနွေည ၁ဝး၃၀ နာရီ)

လစ်သူယေးနီးယား - ဘီလာရုစ် (တနင်္ဂနွေည ၁ဝး၃၀ နာရီ)   

ကာဇက်စတန် - အယ်လ်ဘေးနီးယား  (တနင်္ဂနွေည ရး၃၀ နာရီ)