ဝုလ်ဗ် ၁-၃ မန်စီးတီး
မန်စီးတီးအသင်းက ရာသီအဖွင့်ပထမဆုံးပွဲတွေမှာ (၁၀)ရာသီဆက်တိုက် အနိုင်ရတဲ့ ပထမဆုံး ပရီးမီးယားလိဂ်အသင်း ဖြစ်လာခဲ့ပါတယ်။
ဝုလ်ဗ်အသင်းက ပြီးခဲ့တဲ့ရာသီတုန်းက မန်စီးတီးကို နှစ်ကျော့စလုံး အနိုင်ယူပြီး ဒုက္ခပေးခဲ့တဲ့ ပြိုင်ဘက်ဖြစ်ပေမယ့် ဒီပွဲမှာတော့ မန်စီးတီးရဲ့ ဖိအားပေးမှုကို ခက်ခက်ခဲခဲရင်ဆိုင်ခဲ့ရပါတယ်။
ဒါပေမဲ့ ခံစစ်ကြောင်းကို ကျစ်ကျစ်လျစ်လျစ်တည်ဆောက်ကစားနိုင်ခဲ့တာကြောင့် မန်စီးတီးအသင်းအတွက်လည်း လွယ်ကူတဲ့ပွဲတော့ မဖြစ်ခဲ့ပါဘူး။
ဂွါဒီယိုလာက ကစားသမားသစ် နာသန်အကီကို ဂျွန်စတုန်းစ်နဲ့ တွဲဖက်ပွဲထုတ်ခဲ့သလို၊ ဒီဘရိုင်းနား၊ စတာလင်၊ ဖိုဒန်၊ ဂျေးဇူးတို့နဲ့ အင်အားအပြည့်အသုံးပြုပြီး တာထွက်လှဖို့ ကြိုးစားခဲ့ပါတယ်။
ပထမပိုင်းမှာ မန်စီးတီးအသင်း စိတ်ကြိုက်လွှမ်းမိုးနိုင်ခဲ့ပြီး ဝုလ်ဗ်အသင်းအနေနဲ့ ဂိုးပေါက်တည့်အခွင့်အရေးတောင် မရခဲ့ပါဘူး။
မိနစ်(၂၀)မှာတော့ ဒီဘရိုင်းနားရဲ့ ထိုးဖောက်မှုကနေ မန်စီးတီးအသင်း ပယ်နယ်တီရရှိခဲ့ ပြီး ဒီဘရိုင်းနားကပဲ ကိုယ်တိုင်ကန်သွင်းယူခဲ့ပါတယ်။
အဲဒီနောက် (၃၂)မိနစ်မှာ စတာလင်ရဲ့ ပေးပို့မှုကနေ ဖိုဒန်က ဒုတိယဂိုး ထပ်သွင်းခဲ့ပါတယ်။
ဒုတိယပိုင်းမှာတော့ ဝုလ်ဗ်အသင်းရဲ့ ကစားပုံ တက်လာခဲ့ပြီး (၇၈)မိနစ်မှာ ဟီမင်နက်ဇ်က တစ်ဂိုးပြန်သွင်းခဲ့ပါတယ်။
ဒါပေမဲ့ နာကျင်အချိန်ပိုမှာ ဂျေးဇူးက မန်စီးတီးအတွက် တတိယဂိုးထပ်သွင်းပြီး ဂိုးပြတ်နိုင်ပွဲနဲ့ ရာသီသစ်ကို စတင်ခဲ့ပါတယ်။
