အောက်တိုဘာ (၁) ရက်မှစ၍ အင်္ဂလန် ရှိ အားကစားပြိုင်ပွဲများတွင် ပရိသတ်များ ကြည့်ရှုခွင့်ပြုမည့်အစီအစဉ်ကို ပြန်လည်သုံးသပ်သွားမည်ဖြစ်ကြောင်း ဗြိတိန်ဝန်ကြီးချုပ် ဘောရစ်ဂျွန်ဆင်က အတည် ပြုပြောကြားသည်။
COVID-19 ရောဂါကြောင့် Lockdown ပြုလုပ်ခဲ့ရသည့် မတ်လနောက်ပိုင်း ပြန်လည်ကျင်းပလျက်ရှိသော အဓိကအားကစားပြိုင်ပွဲများကို ပရိသတ်မပါဘဲ ကွင်းပိတ်ကျင်းပနေခြင်းဖြစ်ပြီး ရှေ့ပြေးအစီအစဉ်အဖြစ် ယခုလအတွင်းကျင်းပမည့် ပြိုင်ပွဲအချို့တွင် ပရိသတ်များ လာရောက်ကြည့်ရှုခွင့်ကို အကန့်အသတ်ဖြင့်ခွင့်ပြုရန် စီစဉ်ထားသည်။
ထို့ပြင် အောက်တိုဘာ (၁) ရက်မှစ၍ အားကစားပြိုင်ပွဲများတွင် ပရိသတ်များ ပြန်လည်ကြည့်ရှုခွင့်ပြုဖွယ်ရှိကြောင်း သတင်းများ ထွက်ပေါ်နေစဉ် ဝန်ကြီးချုပ် ဘောရစ်ဂျွန်ဆင်က ယခုကဲ့သို့ ပြောကြားခဲ့ခြင်းဖြစ်သည်။
"ပြိုင်ပွဲတွေမှာ ပိုမိုများပြားတဲ့ ပရိသတ်အရေအတွက် ကြည့်ရှုခွင့်ပြုမယ့် ရှေ့ပြေးအစီအစဉ်ကို ဒီလနှောင်းပိုင်းမှာ ပြန်လည်ပြင်ဆင်သွားမှာပါ။ အောက်တိုဘာ (၁) ရက်ကစပြီး အားကစားကွင်းတွေမှာ ပရိသတ်တွေကြည့်ရှုခွင့်ပြုမယ့် ကျွန်တော်တို့ရဲ့ရည်မှန်းချက်ကိုလည်း ပြန်ပြီးလေ့လာဆန်းစစ်သွားမှာပါ။ ဒါပေမဲ့ ဒီလိုလုပ်တာက ကျွန်တော်တို့အနေနဲ့ အစီအစဉ်တစ်ခုလုံးကို ဖျက်သိမ်းပစ်မယ်လို့ မဆိုလိုပါဘူး။ ပြန်လည်သုံးသပ်မှုတွေ လုပ်ရုံပါပဲ"ဟု ဝန်ကြီးချုပ်က ပြောကြားသည်။
ဝန်ကြီးချုပ် ဘောရစ်ဂျွန်ဆင်၏ပြောကြားမှုကို ဒစ်ဂျစ်တယ်၊ ယဉ်ကျေးမှု၊ မီဒီယာနှင့် အားကစားဝန်ကြီး အိုလီဗာဒေါဒန်ကလည်း ထောက်ခံခဲ့ပြီး အပြောင်းအလဲပြုလုပ်မည့် အခြေအနေအသေးစိတ်ကို မကြာမီ ထုတ်ပြန်ကြေညာမည်ဖြစ်ကြောင်း ပြောကြားခဲ့သည်။
"ဝန်ကြီးချုပ်ရဲ့ကြေညာချက်အရ ကျွန် တော်တို့အနေနဲ့ အောက်တိုဘာ ၁ ရက်မတိုင် ခင် အားကစားပြိုင်ပွဲတွေမှာ ရှေ့ပြေးအစီ အစဉ်ပြုလုပ်မယ့်အရာတွေကို ပြန်လည်သုံးသပ်သွားမှာပါ။ ရောဂါဖြစ်ပွားတဲ့ကိန်းဂဏန်း တွေ တိုးလာတဲ့အတွက် အပြောင်းအလဲလုပ် မယ့် အခြေအနေအသေးစိတ်ကို မကြာခင် ထုတ်ပြန်ကြေညာသွားပါမယ်။ အကောင်းဆုံး ဖြစ်လာစေဖို့ အစီအစဉ်တွေ ရေးဆွဲသွားမှာပါ"ဟု ၎င်းက ဆိုသည်။
ပရီးမီးယားလိဂ်အမှုဆောင်ချုပ် ရစ်ချက်မာစတာကမူ စနေနေ့ စတင်ကျင်းပမည့် ၂၀၂၀-၂၀၂၁ ရာသီ ပရီးမီးယားလိဂ်ပြိုင်ပွဲတွင် ပရိသတ်များ ပြန်လည်ကြည့်ရှုခွင့်ပြုရန် အသင့်ပြင်ဆင်ထားကြောင်း ပြောကြားသည်။
ကွင်းအတွင်းသို့ ပရိသတ်များ ပြန်လာခွင့်ရရေးမှာ အလွန်အရေးပါနေပြီး ရာသီသစ် တွင်လည်း ဆက်လက်၍ ကွင်းပိတ်ကစားရပါ ကကလပ်အသင်းများအနေဖြင့် ပေါင်သန်း(ရဝဝ)ခန့် ဆုံးရှုံးနိုင်ကြောင်း ခန့်မှန်းထားသည်။
