ရီးယဲလ်တောင်ပံကစားသမား ဗက်ဇ်ကေးသည် အသင်းနှင့် သက်တမ်းတိုးစာချုပ် ချုပ်ဆိုနိုင်ရန် မျှော်လင့်နေကြောင်း သိရသည်။ 

ရီးယဲလ်အသင်းနှင့် ချုပ်ဆိုထားသည့် ဗက်ဇ်ကေး၏ စာချုပ်မှာ ၂၀၂၁ ခုနှစ်၊ ဇွန်လ (၃၀)ရက်တွင် ကုန်ဆုံးမည်ဖြစ်ပြီး ရီးယဲလ်အသင်းဘက်က ကမ်းလှမ်းမှုမရှိသေးကြောင်း သိရသည်။ 

အသက် (၂၉)နှစ်အရွယ်ရှိ စပိန်တောင်ပံကစားသမား ဗက်ဇ်ကေးသည် ၂၀၁၉-၂၀ ရာသီအတွင်း ရီးယဲလ်အသင်းတွင် ခံစစ်၌ ဆင်းကစားပေးခဲ့ရပြီး ရောင်းထုတ်ခံရဖွယ်ရှိသည့် ကစားသမားတစ်ဦးအဖြစ်လည်း ထင်ကြေးပေးခံနေရသည်။ 

သို့သော် ဗက်ဇ်ကေးက မိမိအနေဖြင့် ရီးယဲလ်အသင်းတွင်သာ ဆက်နေသွားရန် ဆန္ဒရှိနေပြီး အသင်းမှ သက်တမ်းတိုးရန်

ကမ်းလှမ်းလာမည်ကို မျှော်လင့်နေကြောင်း ထုတ်ဖော်ပြောကြားခဲ့သည်။

ထို့ပြင် ဗက်ဇ်ကေးသည် အသင်းကလိုအပ်ပါက ခံစစ်တွင် ကစားရန်ပါ အသင့်ရှိနေကြောင်းလည်း သိရသည်။ 

ဗက်ဇ်ကေးသည် ၂၀၁၉-၂၀ ရာသီတွင် ရီးယဲလ်အတွက် ပြိုင်ပွဲစုံ (၂၂)ပွဲသာ ပါဝင်ကစားခွင့်ရထားပြီး (၃)ဂိုး သွင်းယူပေးခဲ့သည်။