မန်ယူအသင်းသည် ရှက်ဖီးယူနိုက်တက်အသင်းသို့ အငှားချထားသော ဂိုးသမား ဒင်းန်ဟန်ဒါဆန်အား ယခုရာသီမကုန်ဆုံးမီ ပြန်လည်ခေါ်ယူမည်မဟုတ်ဘဲ ရှက်ဖီးယူနိုက် တက်အသင်းတွင်သာ ဆက်ရှိစေမည်ဖြစ်ကြောင်း သိရှိရသည်။
ရှက်ဖီးယူနိုက်တက်အသင်းတွင် လက်စွမ်းပြနေသော ဟန်ဒါဆန်ကို မန်ယူအသင်းက အငှားစာချုပ်ဖျက်သိမ်းပြီး ပြန်လည်ခေါ်ယူတော့မည်ဟု အစောပိုင်းက သတင်းများထွက်ပေါ် ခဲ့သည်။
ဟန်ဒါဆန်သည် ပြီးခဲ့သည့် ၂၀၁၈-၁၉ ရာသီကလည်း ရှက်ဖီးယူနိုက်တက်အသင်းတွင် တစ်ရာသီအငှား လာရောက်ကစားခဲ့ပြီး လိဂ်ချန်ပီယံရှစ်ပြိုင်ပွဲ ၏ အကောင်းဆုံးဂိုးသမားဆုနှင့် ရှက်ဖီးယူနိုက်တက်အသင်း၏ အကောင်းဆုံးလူငယ်ကစားသမားဆုများ ဆွတ်ခူးနိုင်ခဲ့သည်။
လက်ရှိတွင် ပရီးမီးယားလိဂ်အမှတ်ပေးဇယား၌ ရှက်ဖီးယူနိုက်တက်အသင်းမှာ မန်ယူထက်(၂)မှတ်သာ လျော့နည်းပြီး အဆင့်(၇)၌ရပ်တည်နေသည်။